រាជធានីភ្នំពេញ ៖ បុរសម្នាក់ ដែលគេអះអាងថា ជាមនុស្សញៀនថ្នាំ បានដុតរទេះអេតចាយ និងដុតខ្លួនឯង បណ្តាលអោយឆេះរលាករងរបួសធ្ងន់ ត្រូវបានសមត្ថកិច្ច ហៅរថយន្តបញ្ជូនទៅសង្គ្រោះ…
រាជធានីភ្នំពេញ ៖ បុរសម្នាក់ ដែលគេអះអាងថា ជាមនុស្សញៀនថ្នាំ បានដុតរទេះអេតចាយ និងដុតខ្លួនឯង បណ្តាលអោយឆេះរលាករងរបួសធ្ងន់ ត្រូវបានសមត្ថកិច្ច ហៅរថយន្តបញ្ជូនទៅសង្គ្រោះ ។
ហេតុការណ៍នេះ បង្កអោយមានការភ្ញាក់ផ្អើល នៅវេលាម៉ោង១២និង៣០នាទីថ្ងៃត្រង់ ទី០៥ ខែកុម្ភៈ ឆ្នាំ២០២៦ នៅមុខនៅមុខវិទ្យាល័យ ជា ស៊ីម សាមគ្គី ស្ថិតនៅតាមផ្លូវលេខ២៧១ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
តាមព័ត៌មានបានឲ្យដឹងថា នៅមុនពេលកើតហេតុ គេឃើញបុរសរូបនោះ បានអូសរទេះអេតចាយ ធ្វើដំណើរតាមផ្លូវលេខ២៧១ ក្នុងទិសដៅពីកើតទៅលិច។ នៅពេលមកដល់មុខវិទ្យាល័យ ជា ស៊ីម សាមគ្គី ស្រាប់តែបុរសរូបនោះ បានដុតសម្ភារៈអេតចាយនៅក្នុងរទេះ ឆេះយ៉ាងសន្ធោសន្ធៅ រួចដុតខ្លួនឯង បណ្តាលអោយររលាកងរបួសធ្ធន់។ ទោះបីជាយ៉ាងណា គេពុំដឹងថា មូលហេតុអ្វីនោះទេ បានជាបុរសរូបនោះ ដុតខ្លួនឯងបែបនេះ ។
តាមព័ត៌មានខ្លះសង្ស័យថា ដោយសារតែឥទ្ធិពលថ្នាំញៀន រើឡើង បានជាដុតខ្លួនឯងបែបនេះ។
ប៉ុន្តែបើតាមបុរសដុតខ្លួនឯងរូបនេះ បានឲ្យដឹងថា មូលហេតុដែលដុតខ្លួនឯង ដោយសារតែគេចោទប្រកាន់ថា ខ្លួនបានលក់គ្រឿងញៀន។ ទោះបីជាយ៉ាងណា បុរសរូបនោះ ហាក់ដូចជាមានសតិមិនប្រក្រតីនោះទេ។ បន្ទាប់ពីកើតហេតុ បង្កឲ្យមានការកកស្ទះ ចរាចរណ៍យ៉ាងខ្លាំង នៅតាមបណ្ដោយផ្លូវ២៧១ ហើយសមត្ថកិច្ចនគរបាលមូលដ្ឋាន ក៏បានទៅដល់កន្លែងកើតហេតុ ដើម្បីសម្រួលចរាចរណ៍ និងទាក់ទងហៅរថយន្តសាមុយ បញ្ជូនបុរសរូបនោះទៅកាន់មន្ទីពេទ្យមិត្តភាពកម្ពុជា-ចិន ហៅមន្ទីរពេទ្យព្រះកុសុមៈ ដើម្បីសង្គ្រោះ ៕
ចែករំលែកព័តមាននេះ