ខេត្តបាត់ដំបង៖ តំលៃផ្កាខាត់ណា ដែលប្រជាកសិករមួយចំនួននៅ ស្រុកបាណន់ កំពុងប្រមូលផលយ៉ាងមមាញឹក ក្នុងពេលនេះ បានធ្លាក់ចុះយ៉ាងគំហុក គ្នាខុសឆ្ងាយពីតំលៃទីផ្សារ ដែលកសិករប្រមូលផលលក់កាលពីឆ្នាំ។ នេះបើតាមការលើកឡើងរបស់កសិករដែលកំពុងប្រមូលផលដំណាំ«ផ្កាខាត់ណា»នេះលក់ឲ្យម៉ូយ។…
ខេត្តបាត់ដំបង៖ តំលៃផ្កាខាត់ណា ដែលប្រជាកសិករមួយចំនួននៅ ស្រុកបាណន់ កំពុងប្រមូលផលយ៉ាងមមាញឹក ក្នុងពេលនេះ បានធ្លាក់ចុះយ៉ាងគំហុក គ្នាខុសឆ្ងាយពីតំលៃទីផ្សារ ដែលកសិករប្រមូលផលលក់កាលពីឆ្នាំ។ នេះបើតាមការលើកឡើងរបស់កសិករដែលកំពុងប្រមូលផលដំណាំ«ផ្កាខាត់ណា»នេះលក់ឲ្យម៉ូយ។
ក្នុងសកម្មភាពដ៏មមាញឹកកាត់«ផ្កាខាត់ណា»ផង ជញ្ជូនផ្កាខាត់ណាយកមកច្រកថង់ថ្លឹងផង លោក ដុះ វ៉ាត់ បានឆ្លៀតផ្ដល់បទសម្ភាសន៏ជាមួយកោះសន្តិភាពអំពីតំលៃផ្កាខាត់ណារបស់គាត់ថា ឆ្នាំនេះតំលៃ«ផ្កាខាត់ណា»បានធ្លាក់ចុះយ៉ាងខ្លាំង ស្ទើរខាតដើម។
កសិកររូបនេះបានបញ្ជាក់ថា ឆ្នាំតំលៃ«ផ្កាខាត់ណា»មួយគីឡូលក់ឲ្យម៉ូយបានត្រិមតំលៃ៥០០រៀលប៉ុណ្ណោះ ខណៈការប្រមូលផលកាលពីខែកញ្ញាឆ្នាំ២០២៥ កន្លងទៅលក់បានតំលៃ២០០០រៀលក្នុងមួយគីឡូ ដូច្នេះខុសគ្នា១៥០០រៀលឯណោះក្នុងមួយគីឡូ។
លោក ដុះ វ៉ាត់ វ័យ៥១ឆ្នាំ រស់នៅភូមិថ្កូវ ឃុំឈើទាល ស្រុកបាណន់ ដែលមាមដីទំហំជាង០២រ៉ៃ គ្រប់ដណ្ដប់ទៅដោយដំណាំ«ផ្កាខាត់ណា» ដែលល្មមដល់ពេលប្រមូលផលលក់លើទីផ្សារ។ បើទោះជាតំលៃ«ផ្កាខាត់ណា»ខែនេះ ធ្លាក់ចុះខុសពីជាង៥ខែមុន រហូតគាត់ត្អូញត្អែរពីតំលៃខ្លះៗក្ដី។ ប៉ុន្តែកសិកររូបនេះ នៅតែព្យាយាមបង្ហាញនូវស្នាមញញឹម នៅចំពោះមុខផលដំណាំរបស់គាត់ដែលកំពុងប្រមូលផល។
ស្ថិតចំកណ្ដាលចម្ការដំណាំរំលេចទៅដោយពណ៏បៃតងចាស់ដ៏ធំល្វឹងល្មើយ គ្រួសារកសិករពីរនាក់ប្ដីប្រពន្ធនេះហាក់មិនសូវមានពេលជជែកគ្នាទេ។ ព្រោះមមាញឹកកាត់ផ្កាខាត់ណាឲ្យម៉ូយ ខណៈកូនៗរបស់គាត់ក៏កំពុងញ៉ាប់ដៃជើងច្រក វិចខ្ចប់ថ្លឹងទុកឲ្យម៉ូយ។ ដៃកាត់ផ្កាខាត់ណាបណ្ដើរ រៀបរាប់បណ្ដើរ លោក ដុះ វ៉ាត់ បានលើកឡើងដូច្នេះថា «តំលៃ៥០០រៀលក្នុងមួយគីឡូ បើទូទាត់ទៅអាចខាតតិចទូច ជាពិសេសថ្លៃជី។ ប៉ុន្តែយ៉ាងណា នៅទប់ទល់បាន»។ តើមូលហេតុអ្វី បានឆ្នាំនេះតំលៃផ្កាខាត់ណាធ្លាក់ចុះ ? កសិកររូបនេះគ្រវីក្បាល ជាមួយនឹងចម្លើយមិនច្បាស់លាស់ថា «ខ្ញុំមិនសូវដឹងដែរ ឬ មកពីដល់ពេលប្រមូលផលច្រើនគ្រប់គ្នា ទើបធ្វើឲ្យតំលៃផ្កាខាត់ណាធ្លាក់ចុះបែបនេះ»។
ក្រៅពីភាពល្បីល្បាញដំណាំក្រូចពោធិសាត់ ស្រុកបាណន់ នៅមានយុទ្ធសាស្ត្រ ឬ ដំណាំវិលជុំផ្សេងៗ ដែលប្រជាកសិករក្នុងស្រុកនេះ បាននិងកំពុងដាំដុះមិនថា នៅក្នុងរដូវវស្សាឬរដូវប្រាំងឡើយ។ នេះបើតាមការកត់សម្គាល់ និង ការពិនិត្យឃើញជាក់ស្ដែង។
ត្រង់ចំណុចនេះ អភិបាលស្រុកបាណន់ លោក ស្រេង សុខា ក៏បានចង្អុលបង្ហាញពីយុទ្ធសាស្ត្រ នៃដំណាំកសិកម្មដែលប្រជាកសិករក្នុងមូលដ្ឋានរបស់លោក បាននិងកំពុងដាំដុះដែរថា បច្ចុប្បន្ន ដំណាំកសិកម្មដែលប្រជាកសិករដាំច្រើនជាងគេ នៅក្នុងស្រុកិបាណន់ គឺ នៅឃុំឈើទាល និង ឃុំចែងមានជ័យ។ ជាពិសេសដំណាំបន្លែគ្រប់ប្រភេទ ដែលប្រជាកសិករដាំវិលជុំ អាចប្រមូលផលលក់លើទីផ្សារជាបន្តបន្ទាប់។
លោកអភិបាលស្រុករូបនេះ បានបញ្ជាក់ដែរថា ពេលនេះកសិករកំពុងប្រមូលផលដំណាំបន្លែលក់ហើយ។ លុះប្រមូលអស់ ពួគគាត់អាចធ្វើដីបន្តដាំដុះជាថ្មីទៀត។ ពោល៖ ពួកគាត់អាចមានលទ្ធភាពដាំដំណាំបន្លែគ្រប់មុខ បានគ្រប់ពេល ព្រោះមានប្រព័ន្ធទឹកស្រោចស្របគ្រប់គ្រាន់៕
ចែករំលែកព័តមាននេះ