កម្ពុជាមានយានយន្តសរុបជាង៨លានគ្រឿងនៅលើផ្លូវ ជាង២ម៉ឺនគីឡូម៉ែត្រ
គិតពីឆ្នាំ១៩៩០ ដល់ឆ្នាំ២០២៥ ក្រសួងសាធារណការ និងដឹកជញ្ជូន បានចុះបញ្ជីយានយន្តសរុប៨,២ លានគ្រឿង ខណៈដែលផ្លូវសរុបវិញ គឺមានជាង២ម៉ឺនគីឡូម៉ែត្រ ។ តាមរបាយការណ៍នៅថ្ងៃទី០៥…
គិតពីឆ្នាំ១៩៩០ ដល់ឆ្នាំ២០២៥ ក្រសួងសាធារណការ និងដឹកជញ្ជូន បានចុះបញ្ជីយានយន្តសរុប៨,២ លានគ្រឿង ខណៈដែលផ្លូវសរុបវិញ គឺមានជាង២ម៉ឺនគីឡូម៉ែត្រ ។
តាមរបាយការណ៍នៅថ្ងៃទី០៥ ខែកុម្ភៈ ឆ្នាំ២០២៦ បានឲ្យដឹងថា នៅក្នុងអំឡុងពេលនេះ កម្ពុជាមានម៉ូតូជិត៧លានគ្រឿង រថយន្តធុនស្រាល ជាង៩សែនគ្រឿង ហើយរថយន្តធុនធ្ងន់វិញ មានជាង៣សែនគ្រឿង ។
ប្រភពដដែលបានអះអាងថា នៅក្នុងឆ្នាំ២០២៥នេះ យានយន្តសរុបចុះបញ្ជីមានជាង៥សែនគ្រឿង នៅក្នុងនោះម៉ូតូមាន មានជាង៤សែន រថយន្តធុនស្រាលជាង៨ម៉ឺនគ្រឿង និងរថយន្តធុនធ្ងន់មានជាង៨ពាន់គ្រឿង។
ដោយឡែកផ្លូវវិញ គឺមានប្រមាណជា២០.៧៣៣ គីឡូម៉ែត្រ នៅក្នុងនោះផ្លូវល្បឿនលឿន១ខ្សែ ផ្លូវជាតិកម្រិត១ ចំនួន៩ខ្សែ ផ្លូវជាតិកម្រិត២មានជាង៨០ខ្សែ ហើយផ្លូវខេត្តមាន៧៩៥ខ្សែ ។
ចែករំលែកព័តមាននេះ