ជំនឿ៖ យោងតាមការស្រាវជ្រាវ និងការផ្សាយរបស់សារព័ត៌មានបរទេស ឆ្នាំចិន​២០២៦ គឺជាឆ្នាំមមីភ្លើងដែលតំណាងឱ្យថាមពលខ្លាំងក្លានៃការរីកចម្រើន និងមហិច្ឆតា។ ដោយសារទ្រឹស្ដីធាតុទាំងប្រាំចែងថា “ឈើបង្កើតភ្លើង” ការដាំរុក្ខជាតិបៃតងដែលមានពណ៌ក្រហម ឬផ្កាឈូក នឹងក្លាយជាកាតាលីករដ៏វិសេសវិសាលក្នុងការទាក់ទាញលាភជ័យ និងសិរីសួស្ដីចូលក្នុងផ្ទះ។

រុក្ខជាតិដំបូងគេដែលអ្នកជំនាញណែនាំគឺ ផ្កាអង់ធូរីយ៉ូម (Anthurium) ដែលមានផ្កាពណ៌ក្រហមឆ្អៅតំណាងឱ្យភាពជោគជ័យ និងភាពរីករាយ។ ការដាក់រុក្ខជាតិនេះលើតុធ្វើការ ឬបន្ទប់ទទួលភ្ញៀវ នឹងជួយពង្រឹងទំនាក់ទំនងសង្គមឱ្យកាន់តែល្អប្រសើរ និងជម្រុញអាជីពការងារឱ្យហក់លោតខ្ពស់។

បន្ថែមពីនេះ រុក្ខជាតិឫស្សីសំណាង ឬដើមលុយ (Aglaonema) ដែលមានស្លឹកបៃតងគែមក្រហម ក៏ជាជម្រើសដ៏ស័ក្តិសមបំផុតសម្រាប់ឆ្នាំមមីភ្លើងនេះដែរ ព្រោះវាជួយ “រក្សាទ្រព្យ” និងកាត់បន្ថយការខាតបង់ហិរញ្ញវត្ថុបានយ៉ាងមានប្រសិទ្ធភាព។ ការដាក់វានៅក្បែរច្រកចូលផ្ទះ នឹងជួយបើកផ្លូវឱ្យឱកាសអាជីវកម្មថ្មីៗហូរចូលមកមិនដាច់។ ដោយឡែក សម្រាប់គ្រួសារដែលមានសិស្សានុសិស្ស ឬអ្នកដែលកំពុងចាប់ផ្ដើមគម្រោងថ្មីៗ ផ្កាផយនសេត្យា (Poinsettia) នឹងដើរតួជាដងថ្លឹងជំរុញស្មារតីតស៊ូ និងផ្ដល់សំណាងល្អក្នុងការប្រឡងប្រជែង ឬការស្វែងរកការងារ។

ដើម្បីឱ្យហុងស៊ុយរុក្ខជាតិទាំងនេះបញ្ចេញឥទ្ធិពលខ្លាំងបំផុត ម្ចាស់ផ្ទះគួរដាក់វានៅទិសខាងកើត ឬខាងត្បូង ហើយត្រូវយកចិត្តទុកដាក់ថែទាំឱ្យលូតលាស់ស្រស់បំព្រងជានិច្ច ព្រោះរុក្ខជាតិដែលស្រស់ស្រពោននឹងនាំមកនូវថាមពលអវិជ្ជមានជំនួសវិញ៕

​