ខេត្តសៀមរាប ៖ រមណីយដ្ឋានប្រាសាទក្នុងតំបន់រលួស ៖ និមិត្តរូបនៃអរិយធម៌ខ្មែរនាសម័យកាលហរិហរាល័យ និងកិច្ចខិតខំប្រឹងប្រែងអភិរក្សរបស់អាជ្ញាធរជាតិអប្សរា ជាក់ស្តែងអាជ្ញាធរជាតិអប្សរា បានប្រកាសនារសៀលថ្ងៃទី០៣ ខែកុម្ភៈ ឆ្នាំ២០២៦នេះថា…
ខេត្តសៀមរាប ៖ រមណីយដ្ឋានប្រាសាទក្នុងតំបន់រលួស ៖ និមិត្តរូបនៃអរិយធម៌ខ្មែរនាសម័យកាលហរិហរាល័យ និងកិច្ចខិតខំប្រឹងប្រែងអភិរក្សរបស់អាជ្ញាធរជាតិអប្សរា
ជាក់ស្តែងអាជ្ញាធរជាតិអប្សរា បានប្រកាសនារសៀលថ្ងៃទី០៣ ខែកុម្ភៈ ឆ្នាំ២០២៦នេះថា ៖ ប្រាសាទបាគង ប្រាសាទព្រះគោ ប្រាសាទលលៃ រួម និងប្រាសាទផ្សេងៗទៀតដែលនៅក្បែរនោះ សុទ្ធសឹងស្ថិតនៅក្នុងរាជធានីហរិហរាល័យ ដែលជាអតីតរាជធានីដើមសម័យអង្គរ ។
ប្រាសាទបាគង គឺជាប្រាសាទភ្នំ សង់លើខឿនបីជាន់ ក្នុងរាជកាលព្រះបាទ ឥន្ទ្រវរ្ម័នទី១ ។ ក្រៅពីសំណង់ប្រាសាទថ្មភក់នៅកណ្តាល ជុំវិញក៏មានប្រាង្គឥដ្ឋមួយចំនួន ។
តាមរយៈការយកចិត្តទុកដាក់លើការងារអភិរក្ស និងជួសជុលឡើងវិញដោយអាជ្ញាធរជាតិអប្សរា ប្រាសាទកណ្តាល ក៏ដូចជា ប្រាង្គឥដ្ឋមួយចំនួន បានឈររឹងមាំឡើងវិញ សម្រាប់ការទស្សនា ការសិក្សា និងស្រាវជ្រាវ ។
ប្រាសាទបាគង ត្រូវបានចាត់ជាប្រាសាទមួយ ដ៏មានការទាក់ទាញពីភ្ញៀវទេសចរនៅតំបន់រលួស ។ ក្រៅពីប្រាសាទ ក៏មានទីតាំងសិប្បកម្មស្បែក ចម្លាក់ថ្ម កុលាលភាជន៍ និងទេសភាពវប្បធម៌ជុំវិញសហគមន៍ ដែលទេសចរណ៍បានចូលទស្សនាជាហូរហែមិនដាច់ ៕
ចែករំលែកព័តមាននេះ