ខេត្តកំពង់ចាម ៖ ខណៈពេលដែលមនុស្សកំពុងតែដេកលង់លក់ស្រួលអាកាសធាតុរៀងត្រជាក់ ស្រាប់តែអគ្គីភ័យបានឆាបឆេះយ៉ាងសន្ធោរសន្ធៅអណ្ដាតភ្លើងឡើងក្រហមច្រាលទៅលើអាកាសបង្កឲ្យមានការភ្ញាក់ផ្អើលដល់អ្នកជិតខាង។ហេតុការណ៍នេះបានកើតឡើងនៅវេលាម៉ោង១១និង៤០នាទីយប់ថ្ងៃទី២កុម្ភៈ ឆ្នាំ២០២៦ នៅចំណុចឃុំស្វាយទាបស្រុកចំការលើ។បន្ទាប់មកគេបានឃើញរថយន្តពន្លត់អគ្គីភ័យរបស់អធិការដ្ឋាននគរបាលស្រុកចំការលើដែលប្រចាំការ២៤ម៉ោងលើ២៤ម៉ោងចេញទៅអន្តរាគមន៍បាញ់ទឹកពន្លត់។
សមត្ថកិច្ចមូលដ្ឋានបានដែលដឹងថា:ក្រោយពីទទួលបានព័ត៌មានពីប្រជាពលរដ្ឋនៅមូលដ្ឋានក្នុងភូមិបុស្សចេកថាមានករណីអគ្គីភ័យ (ឆេះផ្ទះ) របស់ឈ្មោះ អេង ឡុន ភេទប្រុស អាយុ៥៨ ឆ្នាំជាតិខ្មែរ នៅឃុំស្វាយទាប ស្រុកចំការលើ លោកវរសេនីយ៍ឯកកែវស៊ាងហ៊ន់ អធិការនគរស្រុកចំការលើបានដឹកនាំកម្លាំងជំនាញ និង ប៉ុស្តិ៍នគរបាលរដ្ឋបាលស្វាយទាបចេញអន្តរាគមន៍ជាបន្ទាន់ដល់កន្លែងកើតហេតុ។ ដោយបានប្រញាប់ប្រញាល់បាញ់ទឹកទៅលើភ្លើងដែលកំពុងតែឆាបឆេះផ្ទះនោះ ក្នុងករណីនេះភ្លើងមិនបានរាលដាលទៅផ្ទះអ្នកជិតខាងឡើយ។
ចំពោះការខូចខាតក្នុងនោះមាន:
ផ្ទះឈើប្រក់គ្បឿងបណ្ដោយ១២ម៉ែត្រ និងទទឹង០៩ម៉ែត្រ
-ម៉ូតូ ០១គ្រឿង
-គោយន្ដកែឆ្នៃចំនួន០១ គ្រឿង
-ត្រាក់ទ័រចំនួន ០១គ្រឿងនិងរបស់របរប្រើប្រាស់មួយចំនួន ។អគ្គីភ័យត្រូវបានរលត់១០០% គ្រប់គ្រងស្ថានការបានទាំងស្រុង នៅវេលាម៉ោង១២ និង៤០នាទីយប់ឈានចូលព្រឹកថ្ងៃទី០៣.០២.២០២៦ ។
កិច្ចប្រតិបត្តិការណ៍នេះបានប្រើប្រាស់រថយន្តពន្លត់អគ្គីភ័យអធិការដ្ឋាននគរបាលស្រុកចំការលើ ០១គ្រឿង អស់ទឹកចំនួន០៣រថយន្ត ។ករណីខាងលើមិនបណ្ដាលអោយរបួសដល់មនុស្សឡើយ។មូលហេតុ: តាមការសន្និដ្ឋានបណ្ដាលមកពីការអុចភ្លើងទៀនពុំបានពន្លត់ធ្វេស ទើបបង្កឲ្យមានអគ្គីភ័យនេះឡើង ហើយផ្ទះនេះនៅតែបុរសចំណេះម្នាក់នេះប៉ុណ្ណោះ ៕
ចែករំលែកព័តមាននេះ