រាជធានីភ្នំពេញ ៖ មានករណីជនសង្ស័យ២នាក់ជិះម៉ូតូមួយគ្រឿធ្វើសកម្មភាពទៅរកទិញទូរស័ព្ទ នៅកន្លែងលក់ទូរស័ព្ទមួយកន្លែង ហើយបានយកទូរស័ព្ទម៉ាកiphone12 pro Max ជិះម៉ូតូគេចចេញទៅបាត់ ។ ហេតុការណ៍ខាងលើនេះ…
រាជធានីភ្នំពេញ ៖ មានករណីជនសង្ស័យ២នាក់ជិះម៉ូតូមួយគ្រឿធ្វើសកម្មភាពទៅរកទិញទូរស័ព្ទ នៅកន្លែងលក់ទូរស័ព្ទមួយកន្លែង ហើយបានយកទូរស័ព្ទម៉ាកiphone12 pro Max ជិះម៉ូតូគេចចេញទៅបាត់ ។
ហេតុការណ៍ខាងលើនេះ បង្កការភ្ញាក់ផ្អើលកើតឡើងនៅវេលាម៉ោង៩យប់ថ្ងៃទី២ខែកុម្ភៈឆ្នាំ២០២៦ នៅចំនុចហាងលក់ទូរស័ព្ទយីហោ តេរ៉ា 0ppo ម្តុំផ្លូវក្រោយបុរីអគីដេរ កែងផ្លូវលូប្រាំ ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ ។
តាមរយៈសកម្មភាពក្នុងកាមេរ៉ាសុវត្ថិភាព បានបង្ហោះតៗគ្នាតាមបណ្ដោញសង្គម បានឲ្យដឹងថា មុនពេលកើតហេតុ គេបានឃើញបុរសជាជនសង្ស័យ២នាក់ បានជិះម៉ូតូមួយគ្រឿងម៉ាកស៊ុយសុគីលែត ពណ៌ស មកឈប់នៅកន្លែងលក់ទូរស័ព្ទខាងលើ ហើយក៍មានបុរសជាជនសង្ស័យម្នាក់បានដើរចូលទៅសួរនាំរកទិញទូរស័ព្ទម៉ាក iphone12pro max ខណៈដែលបុគ្គលិកហុចទូរស័ព្ទអោយមើល ស្រាប់តែជនសង្ស័យរូបនោះបានយកទូរស័ព្ទរត់ឡើងជិះលើម៉ូតូបក្ខពួក គេចចេញទៅបាត់ដោយសុវត្ថិភាពតែម្ដង ។
ពាក់ព័ន្ធករណីនេះផងដែរ ក្រោយកើតហេតុ ម្ចាស់ហាងក៍បានទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋស្ទឹងមានជ័យទី៣ ដើម្បីអោយសមត្ថកិច្ចជួយស្រាវជ្រាវរកជនសង្ស័យនិងទូរស័ព្ទរបស់ជនរងគ្រោះមកវិញផងដែរ ៕
ចែករំលែកព័តមាននេះ