ប្រទេសបូស្លៀរ ទិញសុនខហិតមីនពីកម្ពុជា ចំនួន២ក្បាល
រាជធានីភ្នំពេញ ៖ អគ្គនាយកអង្គភាពស៊ីម៉ាក់ CMAC បានឱ្យដឹងថា ប្រទេសបូស្លៀរ បានទិញសុនខ ចំនួន២ក្បាលពីកម្ពុជាម្តង បន្ទាប់ពីកម្ពុជា ទិញសុនខពីប្រទេសនេះ។…
រាជធានីភ្នំពេញ ៖ អគ្គនាយកអង្គភាពស៊ីម៉ាក់ CMAC បានឱ្យដឹងថា ប្រទេសបូស្លៀរ បានទិញសុនខ ចំនួន២ក្បាលពីកម្ពុជាម្តង បន្ទាប់ពីកម្ពុជា ទិញសុនខពីប្រទេសនេះ។
សុនខរបស់អង្គភាព CMAC បានធ្វើអន្តោប្រវេសន៍ ទៅរស់នៅ និងធ្វើការងារនៅប្រទេសបូស្លៀរ CMAC ធ្លាប់តែទិញសុនខពីបូស្លៀរ សម្រាប់បម្រើការងារនៅកម្ពុជា ឥឡូវនេះ អង្គការជាដៃគូ NPA ដែលបានសហការជាមួយអង្គភាព CMAC ចាប់តាំងពីឆ្នាំ១៩៩២-៩៣នោះ បានជៀវសុនខ ទាំង២ក្បាល ទៅបូស្លៀរ វិញម្តង នេះបើតាម ឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកស៊ីម៉ាក់ ។
ឯកឧត្តម ហេង រតនា បានឱ្យដឹងនៅថ្ងៃទី០២ ខែកុម្ភៈ ឆ្នាំ២០២៦ថា ៖ នេះជាការពង្រឹងម្ចាស់ការលើវាសនារបស់យើង អ្នកខ្លះអាចយល់ថា វាមិនមែនជាសមិទ្ធផលធំដុំអ្វីនោះទេ ប៉ុន្តែយើងបានយល់ច្បាស់ និងមានមោទនភាព ហើយវាជាមេរៀនជាក់ស្តែង ក្នុងការចូលរួមចំណែកលើមូលដ្ឋាន នូវការពង្រឹងស្មារតី និងគោលដៅភាពជាម្ចាស់(ម្ចាស់ការ)របស់កម្ពុជា ។
គួរបញ្ជាក់ថា បើតាមឯកឧត្តម ហេង រតនា ឱ្យដឹងនាថ្មីៗមកនេះថា កាលពីជាង២០ឆ្នាំមុននេះ កម្មវិធី សុនខ កម្ពុជា បានពឹងផ្អែកលើបរទេស ជួយគាំទ្របច្ចេកទេសទាំងស្រុង ១០០ភាគរយ ប៉ុន្តែបច្ចុប្បន្នកាលនេះកម្ពុជា (អង្គភាពCMAC) អាចម្ចាស់ការទាំងស្រុង១០០ភាគរយ លើការងារបច្ចេកទេសទាំងការងារបង្កាត់ពូជ ការហ្វឹកហ្វឺនជំនាញផ្សេងៗ និងអាចចែករំលែកដល់អន្តរជាតិទៀតផង ៕
ចែករំលែកព័តមាននេះ