ខេត្តសៀមរាប ៖ គួរឱ្យសោកស្តាយណាស់! សត្វភេមួយក្បាល ដែលតែងតែបង្ហាញខ្លួន ផ្ដល់ភាពរីករាយដល់ភ្ញៀវទេសចរណ៍ជាតិ និង អន្តរជាតិ ក្បែរប្រាសាទអង្គរវត្តនោះ ខណៈពេលនេះវាកំពុងឡើង…
ខេត្តសៀមរាប ៖ គួរឱ្យសោកស្តាយណាស់! សត្វភេមួយក្បាល ដែលតែងតែបង្ហាញខ្លួន ផ្ដល់ភាពរីករាយដល់ភ្ញៀវទេសចរណ៍ជាតិ និង អន្តរជាតិ ក្បែរប្រាសាទអង្គរវត្តនោះ ខណៈពេលនេះវាកំពុងឡើង មករត់លេងឆ្លងផ្លូវ ត្រូវបានរថយន្តបុកស្លាប់បាត់ទៅហើយ កាលពីរសៀលថ្ងៃទី ១ ខែកុម្ភៈ ឆ្នាំ២០២៦ ត្រង់ចំណុចពីខាងកើតកស្សិណប្រាសាទអង្គរវត្ត លើផ្លូវកៅស៊ូ ស្ថិតនៅក្នុងសង្កាត់នគរធំ ក្រុងសៀមរាប ខេត្តសៀមរាប ។
បើតាមប្រភពពីប្រជាពលរដ្ឋដែលធ្លាប់ឃើញសត្វភេនោះរត់ចុះរត់ឡើងលើផ្លូវកៅស៊ូពីរខាងកើតកក្សិណអង្គរវត្ត ឡើងពីទឹកមករកចំណីស៊ីជាអាហារ ខណៈពេលនោះត្រូវរថយន្តបើកមិនបានមើល បណ្តាលឱ្យបុកស្លាប់សត្វភេនោះភ្លាមៗនៅលើដងផ្លូវតែម្តង។
បើតាមប្រសាសន៍របស់លោក សេង សុធារ៉ា ប្រធាននាយកដ្ឋានទេសចរណ៍ និងវប្បធម៌ បានឱ្យដឹងតាមទូរស័ព្ទ នៅវេលាម៉ោង១០ព្រឹកថ្ងៃទី២ ខែកុម្ភៈ ឆ្នាំ ២០២៦ នេះថា សត្វភេមួយក្បាល ដែលរថយន្ត បុកស្លាប់នោះ នៅខណៈពេលនោះក្រុមរបស់លោកបានចុះទៅដល់កន្លែងកើតហេតុ មិនបានឃើញ រថយន្តបង្កម៉ាកអ្វីនោះទេ ដោយសារពេលបុកសត្វភេរួច រថយន្តនោះបើកទៅបាត់ហើយ ។ ណាមួយ ផ្លូវកៅស៊ូនោះ នៅពេលថ្ងៃស្ងាត់ផង។
លោកបញ្ជាក់ថា នៅរសៀលថ្ងៃទី១ ខែកុម្ភៈ ឆ្នាំ២០២៦ មុនពេលកើតហេតុ សត្វភេមួយក្បាលនោះ តែងតែឡើងពីទឹកកក្សិណមកលើគោក ផ្លូវកៅស៊ូពីរខាងកើតកស្សិណអង្គរវត្តរត់លេងលើដងផ្លូវកៅស៊ូ ជារៀងរាល់ ។ តែអកុសល ថ្ងៃនេះត្រូវរថយន្តបុកស្លាប់ ឬសត្វសុនខខាំក៏លោកមិនបានដឹងដែរ ព្រោះសួរទៅខាងសមត្ថកិច្ច ក៏មិនបានដឹងឡើយ ។
លោកបញ្ជាក់ទៀតថា ក្រោយពេលកើតហេតុ កម្លាំងមន្ត្រីទេសចរណ៍របស់លោក ដែលយាមតាម ប្រាសាទ និងមន្ត្រីសណ្តាប់ធ្នាប់នៃអាជ្ញាធរជាតិអប្សរា បានយកសត្វភេនោះទៅកប់នៅក្នុងតំបន់ ប្រាសាទអង្គរវត្តរួចរាល់ហើយ ៕
ចែករំលែកព័តមាននេះ