ខេត្តកំពង់ស្ពឺ ៖ ផ្ទះប្រជាពលរដ្ឋ១ខ្នងត្រូវបាន អគ្គីភ័យឆាបឆេះអស់គ្មានសល់ ខណៈដែលឆ្លងចរន្តភ្លើងបណ្តាលឱ្យឆេះបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចជួយអន្តរាគមន៍ទាំងយប់។ ហេតុការអគ្គីភ័យឆាបឆេះផ្ទះប្រជាពលរដ្ឋ បង្កការភ្ញាក់ផ្អើលកាលពីវេលាម៉ោង៨និង៤០នាទីយប់ថ្ងៃទី៣១ ខែមករា ឆ្នាំ…
ខេត្តកំពង់ស្ពឺ ៖ ផ្ទះប្រជាពលរដ្ឋ១ខ្នងត្រូវបាន អគ្គីភ័យឆាបឆេះអស់គ្មានសល់ ខណៈដែលឆ្លងចរន្តភ្លើងបណ្តាលឱ្យឆេះបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចជួយអន្តរាគមន៍ទាំងយប់។
ហេតុការអគ្គីភ័យឆាបឆេះផ្ទះប្រជាពលរដ្ឋ បង្កការភ្ញាក់ផ្អើលកាលពីវេលាម៉ោង៨និង៤០នាទីយប់ថ្ងៃទី៣១ ខែមករា ឆ្នាំ ២០២៦ស្ថិតនៅក្នុងភូមិព្រៃក្រសាំង ឃុំព្រៃក្រសាំង ស្រុកសាមគ្គីមុនីជ័យ ខេត្តកំពង់ស្ពឺ ។
នគរបាលស្រុកសាមគ្គីមុនីជ័យបាននិយាយឱ្យដឹងថា ផ្ទះប្រជាពលរដ្ឋ១ខ្នងដែលអគ្គីភ័យបានឆាបឆេះមានទំហំ៦ ម៉ែត្រ គុណនឹង៨ម៉ែត្រ ធ្វើអំពីថ្មក្រោម លើឈើ ប្រក់ហ្វីបប្រូ ជញ្ជាំងក្តា ស្ថិតនៅភូមិព្រៃក្រសាំង ឃុំព្រៃក្រសាំង ស្រុកសាមគ្គីមុនីជ័យ ខេត្តកំពង់ស្ពឺ ជាកម្មសិទ្ធិរបស់ឈ្មោះ ប៉ន ថែត ភេទស្រី អាយុ៥៧ឆ្នាំ រស់នៅភូមិឃុំកើតហេតុខាងលើ។
នគរបាលស្រុកសាមគ្គីមុនីជ័យបានបន្តថា ករណីអគ្គីភ័យឆាបឆេះផ្ទះរងការខូចខាតទាំងស្រុងមាន÷
-គ្រែចំនួន៥គ្រឿង
-ពូកចំនួន ០៤
-ទូដាក់សម្លៀកបំពាក់ចំនួន ០៤គ្រឿង
-ស្រូវ ០៥ ការ៉ុង(បាវ)
-លុយចំនួន៤៥០,០០០រៀល
-សៀវភៅស្នាក់នៅ ០២ ក្បាល
-សំបុត្រកំណើតចំនួន ៦ សន្លឹក
-អត្តសញ្ញាណបណ្ណសញ្ជាតិខ្មែរ ០៤
-ទូរទស្សន៍ ០១គ្រឿង
-កញ្ចុះធ្វើពីអំពីឬស្សីប្រក់ស្បូវចំនួន០១គ្រឿង។
នគរបាលស្រុកសាមគ្គីមុនីជ័យបានបញ្ជាក់ថា មូលហេតុដែលបណ្តាលឱ្យអគ្គីភ័យឆាបឆេះផ្ទះប្រជាពលរដ្ឋអស់១ខ្នងនេះ គឺបណ្តាលមកឆ្លងចរន្តអគ្គីសនី ក្លាយទៅជាអណ្តាតភ្លើង។ ចំពោះកិច្ចប្រតិបត្តិការ រថយន្តពន្លត់អគ្គីភ័យរបស់អធិការដ្ឋាននគរបាលស្រុកសាមគ្គីមុនីជ័យ ០១គ្រឿង ប្រើប្រាស់ទឹកអស់ចំនួន០២ រថយន្ត កម្លាំងនគរបាលស្រុកសាមគ្គីមុនីជ័យ សហការជាមួយកម្លាំងប៉ុស្តិ៍នគរបាលរដ្ឋបាលព្រៃក្រសាំង មេភូមិ ប្រជាការពារ និងបងប្អូនប្រជាពលរដ្ឋ ប្រហែល ៦០នាក់ ជួយអន្តរាគមន៍ពន្លត់ រហូតដល់រលត់ទាំងស្រុងនៅវេលាម៉ោង១០និង១៥នាទីយប់ថ្ងៃទី៣១ ខែមករា ឆ្នាំ២០២៦។
ករណីនេះមិនមានការឆេះរាលដាលដល់ផ្ទះអ្នកជិតខាងឡើយ និងមិនមានគ្រោះថ្នាក់ដល់មនុស្ស និងសត្វនោះទេ៕
ចែករំលែកព័តមាននេះ