ទីក្រុងម៉ានីល ៖ យោងតាមរដ្ឋមន្ត្រីក្រសួងហិរញ្ញវត្ថុហ្វីលីពីន កាលពីថ្ងៃទី១ ខែកុម្ភៈ ឆ្នាំ២០២៦ បានថ្លែងថា សេដ្ឋកិច្ចប្រទេសហ្វីលីពីននឹងស្ទុះងើបឡើងវិញនៅឆ្នាំនេះ ជាមួយនឹងកំណើនយ៉ាងហោចណាស់ ៥%…
ទីក្រុងម៉ានីល ៖ យោងតាមរដ្ឋមន្ត្រីក្រសួងហិរញ្ញវត្ថុហ្វីលីពីន កាលពីថ្ងៃទី១ ខែកុម្ភៈ ឆ្នាំ២០២៦ បានថ្លែងថា សេដ្ឋកិច្ចប្រទេសហ្វីលីពីននឹងស្ទុះងើបឡើងវិញនៅឆ្នាំនេះ ជាមួយនឹងកំណើនយ៉ាងហោចណាស់ ៥% ដោយមានការគាំទ្រពីមូលដ្ឋានគ្រឹះសេដ្ឋកិច្ចរឹងមាំ និងការអនុវត្តដ៏រឹងមាំនៅក្នុងវិស័យរកចំណូលសំខាន់ៗរបស់ខ្លួន។
សេដ្ឋកិច្ចហ្វីលីពីនបានកើនឡើងត្រឹមតែ ៤,៤% ប៉ុណ្ណោះនៅឆ្នាំ ២០២៥ ដែលទាបជាងគោលដៅរដ្ឋាភិបាលពី ៥,៥% ទៅ ៦,៥% សម្រាប់ឆ្នាំ ២០២៦ ដោយសាររឿងអាស្រូវអំពើពុករលួយបានជះឥទ្ធិពលដល់ការចំណាយសាធារណៈ និងធ្វើឱ្យប៉ះពាល់ដល់ទំនុកចិត្តអ្នកប្រើប្រាស់ និងវិនិយោគិន។
រដ្ឋមន្ត្រីក្រសួងហិរញ្ញវត្ថុ លោក ហ្វ្រេឌ្រិច ហ្គោ (Frederick Go) បានលើកឡើងថា មូលដ្ឋានគ្រឹះសេដ្ឋកិច្ចរបស់ប្រទេសហ្វីលីពីននៅតែរក្សាដដែល ដោយអតិផរណាស្ថិតក្នុងការត្រួតពិនិត្យ ហើយចំណាត់ថ្នាក់ឥណទាននៅតែដដែល។ លោកបានប្រាប់អ្នកព័ត៌មានបរទេសដូច្នេះថា «យើង (ហ្វីលីពីន) នឹងងើបឡើងវិញ ហើយយើងពិតជានឹងមានផលិតផលក្នុងស្រុកសរុប (GDP) យ៉ាងហោចណាស់ ៥%»។
ជាមួយនឹងរដ្ឋាភិបាលហ្វីលីពីនកំពុងតែកំណត់គោលដៅកំណើនរវាង ៥% ទៅ ៦% នៅឆ្នាំនេះ។ លោករដ្ឋមន្ត្រីបានបន្ថែមថា សសរស្តម្ភផ្សេងទៀតនៃកំណើនរបស់ហ្វីលីពីននៅតែរឹងមាំ និងអាចទុកចិត្តបាន ដោយលើកឡើងពីកំណើនប្រាក់បញ្ញើពីបណ្តាពលករនៅក្រៅប្រទេស និងប្រាក់ចំណូលពីវិស័យការងារអាជីវកម្ម ដែលជាកត្តាជំរុញសេដ្ឋកិច្ចដ៏សំខាន់មួយ»៕
ចែករំលែកព័តមាននេះ