ប្រទេសប៉ាគីស្ថាន ៖ អំពើហិង្សាកាលពីថ្ងៃទី៣១ មករា នៅភាគនិរតីប៉ាគីស្ថានពិតជាសែនរន្ធត់ ។ តាមតុល្យការថ្មីមនុស្សដល់ទៅយ៉ាងតិច១៩៣នាក់ ក្នុងនោះ មានអ្នកវាយប្រហារ១៤៥នាក់ បានត្រូវស្លាប់ក្នុងការវាយប្រហារមួយចំនួនដែលមានការសម្របសម្រួលគ្នា…
ប្រទេសប៉ាគីស្ថាន ៖ អំពើហិង្សាកាលពីថ្ងៃទី៣១ មករា នៅភាគនិរតីប៉ាគីស្ថានពិតជាសែនរន្ធត់ ។ តាមតុល្យការថ្មីមនុស្សដល់ទៅយ៉ាងតិច១៩៣នាក់ ក្នុងនោះ មានអ្នកវាយប្រហារ១៤៥នាក់ បានត្រូវស្លាប់ក្នុងការវាយប្រហារមួយចំនួនដែលមានការសម្របសម្រួលគ្នា ប្រកាសទទួលខុសត្រូវដោយពួកបំបែកខ្លួននិយមនៅខេត្តបាលូតជីស្ថាន ។
ប៉ាគីស្ថានប្រឈមមុខចាប់តាំងពីច្រើនទសវត្សមកហើយ នឹងការបះបោរបំបែកខ្លួននិយមនៅបាលូតជីស្ថាន។ ការវាយប្រហារកើតមានញឹកញាប់ប្រឆាំងកងកម្លាំងសន្តិសុខ បណ្ដាជនបរទេសនិងពលរដ្ឋប៉ាគីស្ថានមកពីតំបន់ដទៃៗទៀតរបស់ប្រទេស មករស់នៅក្នុងខេត្តសម្បូរដោយរ៉ែតែក្រីក្រនេះ នៅជាប់ព្រំដែនជាមួយអ៊ីរ៉ង់នីងអាហ្វហ្គានីស្ថាន ។
ផ្នែកសារព័ត៌មានរបស់កងទ័ពប៉ាគីស្ថានគូសបញ្ជាក់ថា ការវាយប្រហារកើតមាននៅកន្លែងជាច្រើន ពិសេសនៅក្រុងកេតាជាប្រជុំខេត្ត និងនៅក្រុងGWADAR។ ជនស៊ីវិលស្លូតត្រង់៣១នាក់និងសមាជិកកងកម្លាំងសន្តិសុខប៉ាគីស្ថាន១៧នាក់បានត្រូវស្លាប់ ។ ប្រភពដដែលនោះក៏រៀបរាប់ពីពួកឧទ្ទាម១៤៥នាក់ត្រូវស្លាប់ ក្នុងនោះមានជនអត្តឃាត៣នាក់ ។
អ្នកទទួលខុសជាន់ខ្ពស់ម្នាក់របស់កងទ័ពប៉ាគីស្ថាននិយាយថា ការវាយប្រហាររបស់ពួកឧទ្ទាមមានការសម្របសម្រូលគ្នា តែអនុវត្តមិនបានល្អ។ ការវាយប្រហារទាំងនេះបរាជ័យមកពីគ្មានផែនការល្អ ហើយត្រូវរងការកម្ទេចដោយរហ័សប្រឈមមុខនឹងការឆ្លើយតបរបស់កងកម្លាំងសន្តិសុខយើង ៕
ចែករំលែកព័តមាននេះ