ខេត្តកំពង់ឆ្នាំង ៖ មានករណីអគ្គីភ័យឆាបឆេះទីតាំងមីហិល មួយកន្លែងស្ថិត នៅភូមិសុបិន ឃុំពានី ស្រុកកំពង់ត្រឡាច ខេត្តកំពង់ឆ្នាំង ជាប់ធនាគារអេស៊ីលីដា។ ហេតុការណ៍នេះកើតឡើងកាលពីម៉ោងជាង៦ព្រឹក…
ខេត្តកំពង់ឆ្នាំង ៖ មានករណីអគ្គីភ័យឆាបឆេះទីតាំងមីហិល មួយកន្លែងស្ថិត នៅភូមិសុបិន ឃុំពានី ស្រុកកំពង់ត្រឡាច ខេត្តកំពង់ឆ្នាំង ជាប់ធនាគារអេស៊ីលីដា។ ហេតុការណ៍នេះកើតឡើងកាលពីម៉ោងជាង៦ព្រឹក ថ្ងៃទី២ ខែកុម្ភៈ ឆ្នាំ២០២៦
សមត្ថកិច្ចបានឲ្យដឹងថា ម្ចាស់ហាងឈ្មោះ ហ សុផេង ភេទប្រុសអាយុ ៣៩ ឆ្នាំ ប្រពន្ធ ឈ្មោះ តេងសាម៉ាឌី អាយុ ៣៩ ឆ្នាំ(ពុំនៅទីកន្លែងកើតហេតុ)។ ចំណែកបុគ្គលិកទី១ ឈ្មោះ គុណ សុកែវ ភេទ ស្រី អាយុ ២២ ឆ្នាំ (មេការ)។ ទី២ ឈ្មោះ មេធ រដ្ឋា ភេទ ប្រុស អាយុ ២៣ ឆ្នាំ។ ទី៣ កែវ សុគុណ ភេទ ប្រុស អាយុ ២០ ឆ្នាំ។ ទី៤ ឈ្មោះ ញឹម សារ៉ាក ភេទ ប្រុស អាយុ 18ឆ្នាំ(បុគ្គលិកទាំង៤ស្នាក់នៅកន្លែងកើតហេតុ)។មូលហេតុបណ្ដាលមកពីឆ្លងចរន្តអគ្គិសនី ។
ចំពោះខូចខាតផ្ទះបាយនិងសម្ភារៈផ្ទះបាយគ្រឿងទេសសម្រាប់ធ្វើមីហឹរឆេះខោអាវទាំងស្រុងបន្ទប់គេងចំនួន 3 ជញ្ជាំងធ្វើពីក្តារបន្ទះទូរសព្ទចំនួន 2 គ្រឿង ម៉ាក់ Iphone 11ប្រូ 1គ្រឿង និង Ipad 1គ្រឿង។
សមត្ថកិច្ចបន្តថា៖ មុនពេលកើតហេតុបុគ្គលិកទាំងបួននាក់បានចូលសម្រាកនៅបន្ទប់រៀងៗខ្លួនដោយចាក់សោទ្វារខាងមុខពីរក្រៅហើយទ្វារចំហៀង ផ្ទះបាយ ចាក់ខាងក្នុងស្រាប់តែភ្ញាក់ពីគេងព្រឹកព្រលឹមម៉ោងជាង៦ ស្រាប់តែឈ្មោះ កែវ សុគុណ ឃើញភ្លើងឆេះខោអាវជុំវិញខ្លួន ក៏ដាសអ្នកគេងក្បែរ ហើយស្ទុះរត់បើកទ្វារចេញមកក្រៅព្រមៗគ្នារួចហៅក្បែរនោះអោយជួយពន្លត់ភ្លាមៗនោះប្រជាពលរដ្ឋប្រទាក់ទងទៅកម្លាំងនគរបាលដើម្បីមកជួយអន្តរាគមន៍នឹងបានប្រើឡានទឹកចំនួន 3 គ្រឿងដើម្បីពន្លត់ទាន់ពេលវេលា។ពុំមាននរណារងគ្រោះថ្នាក់ក្នុងហេតុការណ៍នោះទេ ៕
ចែករំលែកព័តមាននេះ