រាជធានីភ្នំពេញ ៖ អគ្គនាយកដ្ឋានអន្តោប្រវេសន៍ បណ្តេញជនបរទេសជាង៤០០ នាក់ ចេញពីកម្ពុជា ក្រោយរកឃើញលួចឆ្លងដែន និងស្នាក់នៅធ្វើការងារខុសច្បាប់ ។ ជាក់ស្តែងអគ្គនាយកដ្ឋានអន្តោប្រវេសន៍…
រាជធានីភ្នំពេញ ៖ អគ្គនាយកដ្ឋានអន្តោប្រវេសន៍ បណ្តេញជនបរទេសជាង៤០០ នាក់ ចេញពីកម្ពុជា ក្រោយរកឃើញលួចឆ្លងដែន និងស្នាក់នៅធ្វើការងារខុសច្បាប់ ។
ជាក់ស្តែងអគ្គនាយកដ្ឋានអន្តោប្រវេសន៍ បានប្រកាសនាព្រឹកថ្ងៃទី០២ ខែកុម្ភៈ ឆ្នាំ២០២៦នេះថា ៖ នៅថ្ងៃទី៣១ ខែមករា ឆ្នាំ២០២៦ អនុវត្តតាមអនុសាសន៍ដ៏ខ្ពង់ខ្ពស់ របស់ឯកឧត្តមអភិសន្តិបណ្ឌិត ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តម សន្តិបណ្ឌិត និងថ្នាក់ដឹកនាំក្រសួងមហាផ្ទៃ ឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ បានណែនាំឱ្យនាយកដ្ឋានស៊ើបអង្កេត និងអនុវត្តនីតិវិធី ធ្វើការបណ្តេញជនបរទេសសរុបចំនួន៤០៦នាក់ (ស្រី២៨នាក់) មាន៩សញ្ជាតិរួមមាន ចិន ឥណ្ឌូនេស៊ី បង់ក្លាដេស យ៉ូហ្គង់ដានីហ្សេរីយ៉ា កូរ៉េ ឥណ្ឌា ថៃ និងសេរ៉ាឡេអូន ក្នុងនោះមានជនជាតិចិនចំនួន ១៤០នាក់ ចេញពីព្រះរាជាណាចក្រកម្ពុជា ដែលពាក់ព័ន្ធករណីលួចឆ្លងដែន ស្នាក់នៅធ្វើការងារខុសច្បាប់ និងប្រើប្រាស់ QR CODE ក្លែងក្លាយ ។
សូមបញ្ជាក់ថា វិធានការនេះបង្ហាញពីការប្តេជ្ញាចិត្តរបស់ក្រសួងមហាផ្ទៃ ក្នុងការរឹតបន្តឹងសន្តិសុខសណ្តាប់ធ្នាប់សង្គម និងធានាថាគ្រប់ជនបរទេសដែលរស់នៅលើទឹកដីកម្ពុជា ត្រូវតែគោរពច្បាប់ជាធរមាន៕
ចែករំលែកព័តមាននេះ