ប្រទេសថៃ ៖ ពលរដ្ឋថៃជាង២លាននាក់ដែលមិនអាចបោះឆ្នោត នាថ្ងៃកំណត់៨ កុម្ភៈ ត្រូវមកបោះឆ្នោតមុននាថ្ងៃទី១ កុម្ភៈ ចាប់ពីម៉ោង៨ព្រឹកម៉ោងក្នុងស្រុកទៅ ។ បណ្ដាអ្នកបោះឆ្នោតមុន…
ប្រទេសថៃ ៖ ពលរដ្ឋថៃជាង២លាននាក់ដែលមិនអាចបោះឆ្នោត នាថ្ងៃកំណត់៨ កុម្ភៈ ត្រូវមកបោះឆ្នោតមុននាថ្ងៃទី១ កុម្ភៈ ចាប់ពីម៉ោង៨ព្រឹកម៉ោងក្នុងស្រុកទៅ ។ បណ្ដាអ្នកបោះឆ្នោតមុន ទទួលសន្លឹកឆ្នោត២ នៅតាមការិយាល័យបោះឆ្នោត ដោយសន្លឹកឆ្នោតមួយជ្រើសរើសយកបេក្ខជនមួយរូបនៃមណ្ឌលបោះឆ្នោតរបស់ខ្លួន ហើយសន្លឹកឆ្នោត១ទៀតបោះឲ្យគណៈបក្សនយោបាយដែលគេជ្រើសរើស ។ ការបោះឆ្នោតមុននោះ ត្រូវបិទនាវេលាម៉ោង១៧ថ្ងៃដដែលនោះ ។
សន្លឹកឆ្នោតបោះមុន ត្រូវទុករាប់ជាមួយគ្នានឹងសន្លឹកឆ្នោតដែលបោះនាថ្ងៃកំណត់៨ កុម្ភៈ ។ ពលរដ្ឋថៃជាង៥០លាននាក់ នឹងបោះឆ្នោតជ្រើសរើសសមាជិកសភាសរុប៥០០រូប ក្នុងនោះ៤០០រូប ជ្រើសរើសតាមបណ្ឌលបោះឆ្នោតមូលដ្ឋាន និង១០០រូប ជ្រើសរើសតាមរយៈគណបក្សនយោបាយបែបសមាមាត្រ ។
តាមស្ថិតិរបស់គណៈកម្មាធិការបោះឆ្នោតថៃថា ក្នុងការបោះឆ្នោតសភានេះ មានគណបក្សចូលរួម៥៧ ហើយមានមនុស្សដល់ជាង៩០នាក់ ចាត់ជាបេក្ខជននាយករដ្ឋមន្ត្រី។ លទ្ធផលផ្លូវការជាស្ថាពរនៃការបោះឆ្នោតនោះត្រូវចេញផ្សាយរហូតដល់ថ្ងៃទី៩ មេសា ។ សភាថ្មីត្រូវរួមប្រជុំ១៥ថ្ងៃក្រោយការប្រកាសលទ្ធផល ដើម្បីជ្រើសតាំងប្រធានសភា ហើយបន្ទាប់ពីនេះសភាថ្មីនឹងធ្វើការបោះឆ្នោតជ្រើសរើសនាយករដ្ឋមន្ត្រីថ្មី ។
តាមបណ្ដាអ្នកវិភាគថា ក្នុងការបោះឆ្នោតនោះនឹងពុំមានគណបក្សណាទទួលបានសំឡេងច្រើនលើសលុបឡើយ ហើយការបង្កើតរដ្ឋាភិបាលថ្មី ទីបំផុតពឹងលើការចរចាក្រោយការបោះឆ្នោតរវាងបណ្ដាគណបក្សនយោបាយ ៕
ចែករំលែកព័តមាននេះ