សហរដ្ឋអាមេរិក ៖ ព្យុះព្រិលថ្មីវាយប្រហារលើសហរដ្ឋអាមេរិក កាលពីថ្ងៃទី៣១ មករា ជាមួយការធ្លាក់ព្រិលច្រើននៅតាមបណ្ដាទីតាំងកម្សាន្តមាត់សមុទ្រ នាភាគអាគ្នេយ៍ប្រទេសជាមួយរលកត្រជាក់មកពីតំបន់អាក់ទិក ដែលព្យុះព្រិលនោះវាយប្រហាររហូតដល់រដ្ឋផ្លរីដា។ ព្រឹត្តិការណ៍ឧតុនិយមនោះ កើតមាន១សប្ដាហ៍…
សហរដ្ឋអាមេរិក ៖ ព្យុះព្រិលថ្មីវាយប្រហារលើសហរដ្ឋអាមេរិក កាលពីថ្ងៃទី៣១ មករា ជាមួយការធ្លាក់ព្រិលច្រើននៅតាមបណ្ដាទីតាំងកម្សាន្តមាត់សមុទ្រ នាភាគអាគ្នេយ៍ប្រទេសជាមួយរលកត្រជាក់មកពីតំបន់អាក់ទិក ដែលព្យុះព្រិលនោះវាយប្រហាររហូតដល់រដ្ឋផ្លរីដា។
ព្រឹត្តិការណ៍ឧតុនិយមនោះ កើតមាន១សប្ដាហ៍ បន្ទាប់ពីព្យុះព្រិលកាលពីចុងសប្ដាហ៍មុនចាប់ពីរដ្ឋតិចសាស់ រហូតដល់ក្រុងវ៉ាស៊ីនតោន នាំឲ្យមានការប៉ះពាល់ខ្លាំងបំផុត ដល់ការដឹកជញ្ជូន និងបណ្ដាលឲ្យមនុស្សស្លាប់យ៉ាងតិច១០០នាក់ក្នុងប្រទេសមក ។
ផ្នែកឧតុនិយមអាមេរិកព្យាករណ៍ថា លើកនេះ អាចធ្ងន់ធ្ងរដល់ទ្វេដងលើសពីព្យុះព្រិលលើកមុនទៅទៀត ។ ព្រិលនឹងធ្លាក់ខ្លាំងបំផុត ពីថ្ងៃទី៣១ មករាដល់ថ្ងៃទី១ កុម្ភៈ នៅតំបន់ឆ្នេរសមុទ្រអត្លង់ទិក ពិសេស នៅរដ្ឋការ៉ូលីនខាងត្បូង និងរដ្ឋការ៉ូលីនខាងជើង ។ ម្យ៉ាងវិញទៀត រលកត្រជាក់បែបតំបន់ប៉ូល ប៉ះពាល់នាថ្ងៃទី២ កុម្ភៈ ដល់២ភាគ៣នៃភាគខាងកើតប្រទេស ពីរដ្ឋដាកូតាខាងជើងដល់រដ្ឋផ្លរីដា ។
ផ្នែកឧតុនិយមអាមេរិកបន្តទៀតថា ព្យុះស៊ីក្លូនព្រិល បន្តបោកបក់មកភាគខាងត្បូងសហរដ្ឋអាមេរិក ដែលព្យុះស៊ីក្លូនឆ្នេរសមុទ្រនេះកកើត នាថ្ងៃទី៣១ មករា នៅឆេ្នរសមុទ្រអាត្លង់ទិច ហើយនឹងបណ្ដាលឲ្យមានព្រិលធ្លាក់ខ្លាំងរហូតដល់រដ្ឋចចជៀ ៕
ចែករំលែកព័តមាននេះ