របាយការណ៍ប្រចាំឆ្នាំរបស់ក្រសួងសុខាភិបាល ដែលទទួលបានកាលពីថ្ងៃទី៣១ ខែមករា ឆ្នាំ០២៦ បានឲ្យដឹងថា កម្ពុជាបានកត់ត្រានូវការកើនឡើងគួរឱ្យកត់សម្គាល់នៃករណីជំងឺមិនឆ្លងកាលពីឆ្នាំ ២០២៥កន្លងទៅ ។ ជំងឺមិនឆ្លងទាំងនោះត្រូវបានប្រភពដដែលអះអាងថា រួមមានជំងឺទឹកនោមផ្អែម…
របាយការណ៍ប្រចាំឆ្នាំរបស់ក្រសួងសុខាភិបាល ដែលទទួលបានកាលពីថ្ងៃទី៣១ ខែមករា ឆ្នាំ០២៦ បានឲ្យដឹងថា កម្ពុជាបានកត់ត្រានូវការកើនឡើងគួរឱ្យកត់សម្គាល់នៃករណីជំងឺមិនឆ្លងកាលពីឆ្នាំ ២០២៥កន្លងទៅ ។
ជំងឺមិនឆ្លងទាំងនោះត្រូវបានប្រភពដដែលអះអាងថា រួមមានជំងឺទឹកនោមផ្អែម ជំងឺមហារីក ជំងឺលើសឈាម ជំងឺសរសៃឈាមបេះដូង និងជំងឺសុខភាពផ្លូវចិត្តជាដើម ។
របាយការណ៍នេះបាននិយាយថា ករណីថ្មីនៃជំងឺទឹកនោមផ្អែម សរុបមានចំនួន២៩២.១៩៧ ករណីត្រូវបានធ្វើរោគវិនិច្ឆ័យកាលពីឆ្នាំមុន ដែលកើនឡើង ២៦.៨ ភាគរយ។
របាយការណ៍នេះបាននិយាយថា សម្រាប់ជំងឺមហារីក អ្នកជំងឺចំនួន ៣៥.៩២១ នាក់បានទទួលការព្យាបាលជំងឺមហារីកនៅក្នុងមន្ទីរពេទ្យកាលពីឆ្នាំមុន ដែលកើនឡើង ១៣.៩ ភាគរយ ហើយមានអ្នកស្លាប់ចំនួន ១៥៥ នាក់។
របាយការណ៍ដដែលបានឲ្យដឹងថា ជំងឺលើសឈាមក៏កំពុងកើនឡើងផងដែរ ដោយមានចំនួន ៤៥១.០០៩ ករណី កើនឡើង ១២,២ ភាគរយ នៅក្នុងនោះអ្នកជំងឺជំងឺសរសៃឈាមបេះដូងចំនួន ២៥.៤៨១ នាក់បានទទួលការព្យាបាលនៅមន្ទីរពេទ្យ និងក្នុងចំណោមពួកគេចំនួន ១.០៩១ នាក់បានស្លាប់។
ប្រភពដដែលបានបន្តថា ករណីជំងឺសុខភាពផ្លូវចិត្តក៏កើនឡើងផងដែរ ពោលគឺមានចំនួន ៣៨៩.៥៥៣ ករណីកើនឡើង ៣៧,៨ ភាគរយ។
ចែករំលែកព័តមាននេះ