ខេត្តកំពង់ស្ពឺ៖ លោក ជាម ច័ន្ទសោភណ្ឌ អភិបាលខេត្តកំពង់ស្ពឺ បានជំរុញឱ្យអស់លោក លោកស្រីជាមេឃុំ-ចៅសង្កាត់ លោកអភិបាលក្រុង-ស្រុកទាំងអស់ទូទាំងខេត្តកំពង់ស្ពឺ ធ្វើការទប់ស្កាត់ការបោះចោលសំរាមពាស់វាលពាសកាល ជាពិសេសនៅតាមផ្លូវជាតិសំខាន់ៗមានដូចជា÷ផ្លូវជាតិលេខ៤…
ខេត្តកំពង់ស្ពឺ៖ លោក ជាម ច័ន្ទសោភណ្ឌ អភិបាលខេត្តកំពង់ស្ពឺ បានជំរុញឱ្យអស់លោក លោកស្រីជាមេឃុំ-ចៅសង្កាត់ លោកអភិបាលក្រុង-ស្រុកទាំងអស់ទូទាំងខេត្តកំពង់ស្ពឺ ធ្វើការទប់ស្កាត់ការបោះចោលសំរាមពាស់វាលពាសកាល ជាពិសេសនៅតាមផ្លូវជាតិសំខាន់ៗមានដូចជា÷ផ្លូវជាតិលេខ៤ ផ្លូវជាតិលេខ៣ ផ្លូវជាតិលេខ៤១ ផ្លូវជាតិលេខ៤៤ និងផ្លូវជាតិលេខ៥១ជាដើម។ ការឡើងឡើងដូចនេះក្នុងឱកាសកិច្ចប្រជុំបូកសរុបលទ្ធផលការងារត្រួតពិនិត្យ និងជំរុញការអនុវត្តគោលនយោបាយភូម-ឃុំ-សង្កាត់មានសុវត្ថិភាព ប្រចាំឆ្នាំ២០២៥ និងលើកទិសដៅឆ្នាំ២០២៦ នៅថ្ងៃទី២៩ ខែមករា ឆ្នាំ២០២៦នៅសាលាខេត្តកំពង់ស្ពឺ។
លោកអភិបាលខេត្តកំពង់ស្ពឺ លើកឡើងទៀតថា អស់លោកអញ្ជើញត្រឡប់ទៅផ្ទះពិនិត្យមើលតាមដងផ្លូវ ពិនិត្យមើលមើលមានសំរាមឬក៏អត់? ហើយកិច្ចការងារនេះគឺជាការងាររបស់យើងដែលជាអាជ្ញាធរតម្រង់ទិសចូលរួម ឬយើងដាក់ពិន័យទៅ ពិន័យជាប្រាក់ទៅអ្នកដែលដាក់សំរាមផ្តេសផ្តាស់នឹង។ លោកឱ្យតែធ្វើដំណើរឆ្លងកាត់តាមផ្លូវជាតិមួយចំនួនក្តី លោកខ្មាសខ្លួនឯងក្នុងនាមជាអភិបាលខេត្ត ខ្មាសខ្លួនឯងខ្លាំងណាស់។
សូមឱ្យអស់លោក លោកស្រី ចេះខ្មាសខ្លួនឯងផង ឥឡូវនេះយើងមានវិភាជហើយ ថវិកាដើម្បីគ្រប់គ្រងសំរាម សុំស្នើឱ្យអស់លោក លោកស្រីដែលជាមេឃុំ-ចៅសង្កាត់ អស់លោកដែលជាអភិបាលក្រុង-ស្រុក យកចិត្តទុកដាក់ឱ្យមែនទែន ធ្វើយ៉ាងម៉េចស្នើសុំឱ្យតាមដងផ្លូវជាតិរបស់យើងទាំងអស់មិនត្រូវមានសំរាមបើមាន លោកនឹងធ្វើលិខិតព្រមានចំនួនពីរដងហើយលោកនឹងមានវិធានការ ខ្មាសគេណាស់ឥឡូវនេះមានអ្នកមករកទទួលទាន អ្នកវិនិយោគគិន អ្នកទេសចរច្រើនណាស់ក្នុងខេត្តរបស់យើង។ ខេត្តកំពង់ស្ពឺរបស់យើងមានរោងចក្ររហូតដល់១៥៨២រោងចក្រ សហគ្រាស អ្នកទេសចរមកលេងកំសាន្តក្នុងខេត្តរបស់យើងក្នុងឆ្នាំ២០២៥មានរហូតដល់១៦០០០០០នាក់ជាង។ចុះប្រសិនបើមកឃើញសំរាមច្រើន គេមានអារម្មណ៍មកលេងទៀតដែរឬទេក្នុងខេត្តកំពង់ស្ពឺរបស់យើង?
លោកអភិបាលខេត្តកំពង់ស្ពឺបានបញ្ជាក់ថា ចឹងលោកមានវិធានការចំពោះអស់លោក លោកស្រីមេឃុំ-ចៅសង្កាត់ អស់លោកជាអភិបាលក្រុង-ស្រុក ឱ្យច្បាស់លាស់ទាំងអស់គ្នាមើល ធ្វើកិច្ចការងារនេះឱ្យទទួលបានប្រសិទ្ធផលការងាររបស់យើងមើល ឥឡូវនេះលោកកំណត់ដាក់នូវផ្លូវជាតិ÷មានផ្លូវជាតិលេខ៤ ផ្លូវជាតិលេខ៣ ផ្លូវជាតិលេខ៤១ ផ្លូវជាតិលេខ៤៤ និងផ្លូវជាតិលេខ៥១ ឱ្យស្អាតបាតមើលឥឡូវ បើអស់លោក លោកស្រីថាគ្មានសមត្ថភាពទេ ធ្វើលិខិតលាលែងពីអភិបាលក្រុង-ស្រុក ចេញទៅកុំនៅទៀត។
ឥឡូវនេះអស់លោកដែលជាអភិបាលក្រុង-ស្រុកក្មេងៗ មានសមត្ថភាព ពេញកម្លាំងដែលធ្វើការងារ គ្រាន់តែរឿងសំរាម មិនបាច់ធ្វើអភិបាលក្រុង-ស្រុកអីទៀតទេ!។ ពាក្យពេជនឹងណា ខ្ញុំក៏ទទួលបានដូចអស់លោកចឹងដែរ ដូចដែលខ្ញុំត្រូវនិយាយទៅកាន់អស់លោកចឹងដែរពីថ្នាក់លើមកណា ចឹងហើយយើងត្រូវតែអនុវត្តកិច្ចការងារនេះឆ្នាំ២០២៦តទៅ៕
ចែករំលែកព័តមាននេះ