រាជធានីភ្នំពេញ៖ យោងតាមការផ្សាយរបស់ក្រសួងធនធានទឹក និងឧតុនិយម បានឱ្យដឹងថា
ចាប់ពីថ្ងៃទី៣០ ខែមករា រហូតដល់ថ្ងៃទី០១ ខែកុម្ភៈ ឆ្នាំ២០២៦ ស្ថានភាពធាតុអាកាសនៅតំបន់ខ្ពង់រាបនៃ​កម្ពុជា នឹងមានការប្រែប្រួលដោយសីតុណ្ហភាពអប្បបរមាអាចធ្លាក់ចុះដល់ ១៧°C។

ស្ថានភាពនេះកើតឡើងដោយសារឥទ្ធិពលរបបខ្យល់មូសុងឦសានក្នុងល្បឿនមធ្យម ៣ ម៉ែត្រក្នុងមួយវិនាទី។ សម្រាប់បណ្តាខេត្តដូចជា ឧត្តរមានជ័យ ប៉ៃលិន ព្រះវិហារ ក្រចេះ រតនគិរី មណ្ឌលគិរី តំបន់ជួរភ្នំក្រវាញ និងជួរភ្នំដងរែក នឹងមានសីតុណ្ហភាពអតិបរមាខ្ពស់បំផុតត្រឹម ៣១°C ហើយពុំមានភ្លៀងធ្លាក់ឡើយ។

ជាមួយគ្នានេះ បងប្អូនប្រជាពលរដ្ឋដែលរស់នៅតាមតំបន់ទាំងនេះ ​គប្បី​ថែរក្សាសុខភាពឱ្យបានល្អចំពោះការចុះត្រជាក់នេះ​៕