រាជធានីភ្នំពេញ ៖ គ្រាប់បែកចង្កោម M46 ផ្ទុះកំឡុងពេលកម្លាំងអង្គភាព CMAC បានកំពុងប្រតិបត្តិការនៅទឹកដីខេត្តបន្ទាយមានជ័យ ដែលតំបន់សៀមឈ្លានពាន ។ នេះបើតាមការបញ្ជាក់ឲ្យដឹងពីអគ្គនាយកស៊ីម៉ាក់…
រាជធានីភ្នំពេញ ៖ គ្រាប់បែកចង្កោម M46 ផ្ទុះកំឡុងពេលកម្លាំងអង្គភាព CMAC បានកំពុងប្រតិបត្តិការនៅទឹកដីខេត្តបន្ទាយមានជ័យ ដែលតំបន់សៀមឈ្លានពាន ។ នេះបើតាមការបញ្ជាក់ឲ្យដឹងពីអគ្គនាយកស៊ីម៉ាក់ ។
លោក ហេង រតនា អគ្គនាយកអង្គភាពស៊ីម៉ាក់ (CMAC)បានសរសេរលើបណ្តាញសង្គម នៅព្រឹកថ្ងៃទី២៩ ខែមករា ឆ្នាំ២០២៦ ថា ៖ នៅថ្ងៃទី២៨ ខែមករា ឆ្នាំ២០២៦ ការប្រើប្រាស់បច្ចេកទេសគ្រឿងចក្រស្រូបឆ.ក់គ្រា.ប់បែកចង្កោម ជាសំណល់គ្រាប់មិនទាន់ផ្ទុះរបស់សៀមឈ្លានពាន ស្ថិតនៅភូមិចក់ពួក ឃុំស្លក្រាម ស្រុកស្វាយចេក ខេត្តបន្ទាយមានជ័យ ដែលមានគ្រា.ប់បែកចង្កោមប្រភេទ M46 ចំនួន១០គ្រា.ប់ ស្រូបឆក់ និងបន្សាប បានចំនួន៩គ្រាប់ ប៉ុន្តែមានគ្រាប់បែកចង្កោមចំនួន១គ្រាប់ បានផ្ទុះនៅពេលប្រតិបត្តិការស្រូបឆក់ ។
ករណីផ្ទុះនេះ មិនបង្កឱ្យមានគ្រោះថ្នាក់ដល់កម្លាំងប្រតិបតិ្តការ ឬបង្កខូចខាតដល់គ្រឿងចក្រឡើយ។
លោកបានសូមរំលឹកជូនបងប្អូនប្រជាពលរដ្ឋភៀសសឹកទាំងអស់ដែលបានអញ្ជើញវិលត្រឡប់ចូលលំនៅដ្ឋាននៅតាមតំបន់រងផលប៉ះពាល់ដោយសារគ្រាប់ផ្លោងរបស់សៀមឈ្លានពានវិញ សូមមេត្តាប្រុងប្រយត្ន័ខ្ពស់បំផុតចំពោះសំណល់យុទ្ធភណ្ឌមិនទាន់ផ្ទុះដែលស្ថិតនៅរាយប៉ាយតាមដីភូមិឋានស្រែចម្ការរបស់បងប្អូន! ។
ជាមួយគ្នានោះដែរ លោកបានអំពាវនាវដល់ប្រជាពលរដ្ឋថា ករណីជួបប្រទះគ្រាប់មិនទាន់ផ្ទុះ សូមទំនាក់ទំនងរាយការណ៍ជូនអាជ្ញាធរមូលដ្ឋាន ឬកម្លាំងនគរបាលមូលដ្ឋាន ឬកម្លាំងCMAC ដែលនៅក្បែរបំផុត ដើម្បីចាត់វិធានការដោះស្រាយជាបន្ទាន់ ៕
ចែករំលែកព័តមាននេះ