លោក គុណ ញឹម អគ្គនាយកអគ្គនាយកដ្ឋានគយ និងរដ្ឋាករកម្ពុជាបាននិយាយនៅក្នុងសាលាជាតិគយ កាលពីព្រឹកថ្ងៃទី២៧ ខែមករា ឆ្នាំ២០២៦ ថា ចាប់តាំងពីមានអរិភាពព្រំដែនជាមួយនៅរង្វង់ខែមិថុនាមក…
លោក គុណ ញឹម អគ្គនាយកអគ្គនាយកដ្ឋានគយ និងរដ្ឋាករកម្ពុជាបាននិយាយនៅក្នុងសាលាជាតិគយ កាលពីព្រឹកថ្ងៃទី២៧ ខែមករា ឆ្នាំ២០២៦ ថា ចាប់តាំងពីមានអរិភាពព្រំដែនជាមួយនៅរង្វង់ខែមិថុនាមក ទំនិញនាំចូលពីថៃមួយចំនួនធ្លាក់ដល់សូន្យ ។
លោកបានបញ្ជាក់ថា ទំនិញដែលធ្លាក់ចុះដល់កម្រិតសូន្យ គឺមានប្រភេទប្រេងឥន្ធនៈ និងប្រភេទបន្លែផ្លែឈើស្រស់ ដែលរាជរដ្ឋាភិបាលចេញបំរាមនាំចូល ហើយមួយចំនួន គឺដោយសារតែចលនាពហិការបស់មហាជនទូទៅនៅកម្ពុជា ។
លោកបានអះអាងថា មុខទំនិញដែលបន្តរងឥទ្ធិពលនោះ គឺទំនិញប្រើប្រាស់ទូទៅរហូតដល់ទំនិញខ្លះត្រូវបាននាំចេញទៅវិញដោយសារតែចលនាពហិការនេះ ។
លោកបានបន្តទៀតថា ទំនិញថៃដែលនៅបន្តនាំចូលមក ជាទូទៅជាប្រភេទទំនិញដែលត្រូវការដើម្បីបំពេញខ្សែសង្វាក់ឧស្សាហកម្មរបស់ក្រុមហ៊ុនវិនិយោគដូចជារោងចក្រដំឡើងរថយន្ត គ្រឿងបង្គុំអគ្គិសនីជាដើម ។
លោកបានបន្តទៀតថា សម្រាប់មុខទំនិញមួយចំនួនដែលបន្តនៅមាននាំចូលនឹងធ្លាក់ចុះជាបន្តបន្ទាប់ ជាពិសេស គឺទំនិញជាគ្រឿងឧបភោគបរិភោគ ពីព្រោះតែពហិកាធ្វើឲ្យមានសន្ទុះនៃចលនាគាំទ្រ និងជំរុញផលិតកម្មនៅក្នុងស្រុក ដើម្បីផ្គត់ផ្គង់តម្រូវការទីផ្សារ ។
ចែករំលែកព័តមាននេះ