រាជធានីភ្នំពេញ ៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជារដ្ឋលេខាធិការ ក្រសួងអប់រំ យុវជន និងកីឡា…
រាជធានីភ្នំពេញ ៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជារដ្ឋលេខាធិការ ក្រសួងអប់រំ យុវជន និងកីឡា បានមានប្រសាសន៍លើកឡើងថា ព្រឹត្តិការណ៍កីឡាកុមារអូឡាំពិក គឺជាឱកាសដ៏វិសេសវិសាលក្នុងការផ្ដល់ឱកាសដល់ឪពុក ម្ដាយកូន ដែលជាកុមារតូចៗ បានជួបជុំគ្នាលេងកីឡាកម្សាន្តយ៉ាងសប្បាយរីករាយ ។
ថ្លែងនៅក្នុងសន្និសិទសារព័ត៌មាន ដែលបានប្រារព្ធធ្វើឡើងនៅផ្សារទំនើបអ៊ីអន៣ កាលពីថ្ងៃទី២៤ ខែមករា ឆ្នាំ២០២៦ ដែលបានការយាង្គអញ្ជើញចូលរួមដោយព្រះនាង នរោត្តម ជេនណា ផងដែរ ឯកឧត្តម វ៉ាន់ ចំរើន ព្រឹត្តិការណ៍កីឡាកុមារអូឡាំពិក គ្រោងនឹងធ្វើឡើងនៅថ្ងៃទី១ ខែកុម្ភៈ ឆ្នាំ២០២៦ នៅផ្សារទំនើបអ៊ីអន៣ ក្នុងខណ្ឌមានជ័យ ដែលរៀបចំឡើង ដោយគណៈកម្មាធិការជាតិអូឡាំពិកកម្ពុជា លើកដំបូង នឹងមានអត្តពលិកជាកុមារា កុមារីតូចៗ មកចុះឈ្មោះប្រកួតប្រមាណន ៣៣០នាក់។ នេះជាចំនួនមួយគួរឱ្យកត់សម្គាល់ ។
ឯកឧត្តម បានបន្តឱ្យដឹងទៀតថា ព្រឹត្តិការណ៍កីឡាកុមារអូឡាំពិក នាឱកាសនេះ គឺផ្ដើមចេញពីឆន្ទៈ និងស្មារតីកីឡាអូឡាំពិក ដែលមានតម្លៃនៅលើពិភពលោក សម្រាប់ផ្ដល់ឱកាស ពេលវេលា និងទីកន្លែង ក្នុងការជួបជាគ្នារវាងកូន ឪពុក ម្ដាយ ព្រមទាំកុមារតូចៗ ព្រមទាំងកុមារផ្សេងៗលេងកីឡាកម្សាន្ត ក៏ដូចជារៀបចំចលនាអូឡាំពិកមួយផ្ដើមចេញពីកុមារទូទៅ។ សកម្មភាពនេះ គឺជាការជម្រុញទៅដល់កុមារទាំងអស់ ជួបជុំគ្នាលេងកីឡា ដើម្បីពង្រឹងកាយសម្បទា សមត្ថភាព និងស្មារតីវិស័យកីឡារបស់កុមារ។ ហើយការប្រកួត មិនមែន ដើម្បីជោគជ័យ គឺដើម្បីបង្ហាញពីសមត្ថភាពរបស់កូនៗ តែប៉ុណ្ណោះ ។
ឯកឧត្តម អគ្គលេខាធិការ NOCC រូបនេះបានបញ្ជាក់ឱ្យដឹងបន្ថែមទៀតថា តាមរយៈការបង្ហាញសមត្ថភាពនេះ អាចឱ្យអាណាព្យាបាលបានមើលឃើញកូនៗ អាចធ្វើអ្វីបាន អាចលេងអ្វីក៏បាន និងជាពេលវេលាដ៏ល្អ ដែលអាណាព្យាបាលទាំងអស់ អាចដឹងបានថា កូនៗទាំងអស់ អាចចូលរួមលេងកីឡា ជាមួយកុមារដទៃទៀតបាន។ នៅឆ្នាំក្រោយនេះ សហរដ្ឋអាមេរិក នឹងធ្វើជាម្ចាស់ផ្ទះ កីឡាអូឡាំពិក រដូវក្ដៅ ឆ្នាំ២០២៨ហើយ។ ដូច្នេះគេចង់ដឹងថា កីឡាករ កីឡាការិនី ឈ្នះមេដាយមាស ពីព្រឹត្តិការណ៍កីឡាអូឡាំពិករដូវក្ដៅ ធ្លាប់ឈ្នះមេដាយមាសពីការប្រកួតកីឡាកុមារអូឡាំពិកបានប៉ុន្មាន ៕
ចែករំលែកព័តមាននេះ