ចំណេះដឹង៖ យោងតាមការផ្សាយរបស់សារព័ត៌មានបរទេស ការមានចំណូលតិចមិនមែនជាឧបសគ្គដល់ការសន្សំ ឬការរំលាយបំណុលនោះទេ ប្រសិនបើលោកអ្នកចេះប្រើប្រាស់រូបមន្តចាត់ចែងកញ្ចប់ថវិកាឱ្យបានច្បាស់លាស់។

ជំហានដំបូងបំផុតគឺត្រូវបែងចែកចំណូលជាបីផ្នែកសំខាន់ៗ៖ ៥០% សម្រាប់ចំណាយចាំបាច់ (ផ្ទះ ម្ហូបអាហារ) ២០% សម្រាប់សងបំណុល ឬសន្សំ និង ៣០% ទៀតសម្រាប់តម្រូវការផ្សេងៗ។ ការតាមដានរាល់ការចំណាយតូចតាចជារៀងរាល់ថ្ងៃ នឹងជួយឱ្យអ្នកមើលឃើញពី “រន្ធធ្លាយ” នៃហោប៉ៅ ដែលនាំឱ្យលុយហូរចេញដោយមិនដឹងខ្លួន។

សម្រាប់ការដោះស្រាយបំណុល លោកអ្នកគួរប្រើវិធីសាស្ត្រ “បាល់ព្រិល” ​ដោយផ្ដោតលើការសងបំណុលណាដែលមានចំនួនតិចជាងគេឱ្យអស់ជាមុន ដើម្បីបង្កើតកម្លាំងចិត្ត និងកាត់បន្ថយចំនួនម្ចាស់បំណុល។ ទន្ទឹមនឹងនេះ ការកាត់បន្ថយការចំណាយមិនចាំបាច់ និងការបង្កើតទម្លាប់សន្សំ “លុយសល់ពីការដូរ” ទោះតិចក្ដី ក៏អាចក្លាយជាកញ្ចប់ថវិកាបម្រុងដ៏សំខាន់នៅពេលមានអាសន្ន។

ការចេះដាក់កំហិតលើការប្រើប្រាស់លុយ និងការតាំងចិត្តខ្ពស់ក្នុងការដើរតាមផែនការដែលបានរៀបចំ គឺជាគន្លឹះតែមួយគត់ដែលជួយឱ្យអ្នកមានសេរីភាពហិរញ្ញវត្ថុក្នុងរយៈពេលវែង៕

​