រាជធានីភ្នំពេញ ៖ ដោយអនុវត្តតាមបទបញ្ជារបស់ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ត្រី ប៊ុន សត្យា…
រាជធានីភ្នំពេញ ៖ ដោយអនុវត្តតាមបទបញ្ជារបស់ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ នៅថ្ងៃទី២១ ខែមករា ឆ្នាំ២០២៦ កម្លាំងការិយាល័យព្រហ្មទណ្ឌកម្រិតស្រាល បានស្រាវជ្រាវបង្ក្រាបករណីលួចយកម៉ូតូ ចំនួន០៣ករណី ៖
ករណីទី១ ៖ កាលពីថ្ងៃទី៥ ខែមករា ឆ្នាំ២០២៦ វេលាម៉ោង១៩:៣៥នាទី ជនសង្ស័យបានធ្វើសកម្មភាពលួចយកម៉ូតូ ម៉ាកហុងដាសេ១២៥ ពណ៌ខ្មៅ សេរីឆ្នាំ២០១១ នៅចំណុចផ្សារ Fun Mall ផ្លូវ៣១៣ សង្កាត់បឹងកក់២ ខណ្ឌទួលគោក ។
ករណីទី២ ៖ កាលពីថ្ងៃ១៦ ខែមករា ឆ្នាំ ២០២៦ វេលាម៉ោង១៣:២០នាទី ជនសង្ស័យធ្វើសកម្មភាពលួចយកម៉ូតូ ម៉ាក WAVE ពណ៌ខ្មៅ ពាក់ផ្លាកលេខ ភ្នំពេញ 1AI-5205 នៅចំណុច ផ្សារជីបម៉ុង ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ ។
ករណីទី៣ ៖ កាលពីថ្ងៃទី២៩ ខែធ្នូ ឆ្នាំ២០២៥ វេលាម៉ោង១៣:៤០នាទី ជនសង្ស័យធ្វើសកម្មភាពលួចយកម៉ូតូម៉ាក Suzuki Nex ពណ៌ក្រហម ស៊េរីឆ្នាំ២០២៥ ពាក់ផ្លាកលេខ 1LR-3940 នៅចំណុចផ្សារទំនើប Mid town សង្កាត់អូរបែកក្អម ខណ្ឌសែនសុខ ។
ជនសង្ស័យឈ្មោះ ទេព និមល ភេទប្រុស អាយុ៤២ឆ្នាំ ជនជាតិខ្មែរ មុខរបរដឹកជញ្ជូន ស្នាក់នៅបន្ទប់ជួល សង្កាត់ចោមចៅទី១ ខណ្ឌពោធិ៍សែនជ័យ។
បច្ចុប្បន្ន ជនសង្ស័យខាងលើ ត្រូវបានកម្លាំងជំនាញការិយាល័យ កសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ