ខេត្តកំពង់ស្ពឺ ៖ រថយន្តមួយគ្រឿង ត្រូវអគ្គិភ័យឆាបឆេះអស់ទាំងស្រុង នៅតាមបណ្ដោយផ្លូវល្បឿនលឿន ម្តុំផ្លូវចុះគីរីរម្យ នាវេលាម៉ោង១៦និង២៨នាទីរសៀលថ្ងៃទី២២ ខែមករា ឆ្នាំ២០២៦ ។…
ខេត្តកំពង់ស្ពឺ ៖ រថយន្តមួយគ្រឿង ត្រូវអគ្គិភ័យឆាបឆេះអស់ទាំងស្រុង នៅតាមបណ្ដោយផ្លូវល្បឿនលឿន ម្តុំផ្លូវចុះគីរីរម្យ នាវេលាម៉ោង១៦និង២៨នាទីរសៀលថ្ងៃទី២២ ខែមករា ឆ្នាំ២០២៦ ។
បើតាមស្នងការដ្ឋាននគរបាលខេត្តកំពង់ស្ពឺ បានឲ្យដឹងថា រថយន្តមួយគ្រឿង ឆាបឆេះពេលកំពុងបើកបរលើផ្លូវល្បឿនលឿន ក្នុងទិសដៅពីភ្នំពេញ-ព្រះសីហនុ នៅចំណុចភូមិទី៤ ឃុំត្រែងត្រយឹង ស្រុកភ្នំស្រួច មានម៉ាក MITSUBISHI PAJERO ពណ៌ទឹកប្រាក់លាយបៃតង ពាក់ស្លាកលេខភ្នំពេញ 2A N-7514 បើកបរដោយឈ្មោះ វង្ស វុត្ថា ភេទប្រុស អាយុ៣៣ឆ្នាំ រស់នៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល និងអ្នករួមដំណើរ ០៣នាក់ស្រី (គ្មានរបួស) បើកបរពីខេត្តព្រះសីហនុ ទៅរាជធានីភ្នំពេញ មកដល់ចំណុចខាងលើបានឆ្លងចរន្ដអគ្គិសនី បណ្ដាលឲ្យឆាបឆេះរថយន្ដអស់ទាំងស្រុង ចំណែកអ្នកបើកបរ និងអ្នករួមដំណើរ ក្នុងរថយន្ដមិនមានរងរបួស ។
លោកវរសេនីយ៍ទោ ជុន ចន្ទដេត អធិការនគរបាលស្រុកភ្នំស្រួច បានបញ្ជាក់ថា ករណីខាងលើរថយន្ដពន្លត់អគ្គិភ័យរបស់ក្រុមហ៊ុនប្រចាំការលើផ្លូវល្បឿនលឿន បានចេញអន្ដរាគមន៍ពន្លត់បានទាន់ពេលវេលា តែអគ្គិភ័យឆាបឆេះលឿនពេក បណ្ដាលអោយរថយន្ដឆេះខូចខាតស្ទើរទាំងស្រុង ។
បច្វុប្បន្ន តំណាងក្រុមហ៊ុនផ្លូវល្បឿនលឿន កំពុងតែស្ទួចយករថយន្ដខាងលើ ទៅដាក់នៅទីតាំងបញ្ឍរសុវត្ថិភាព និងធ្វើការដោះស្រាយជាមួយភាគីម្ចាស់រថយន្ដ ៕
ចែករំលែកព័តមាននេះ