ខេត្តបន្ទាយមានជ័យ ៖ មន្ត្រីអប់រំបានឱ្យដឹងថា សិស្សដែលកំពុងសិក្សាក្នុងមណ្ឌលភៀសសឹក២កន្លែង នៅខេត្តបន្ទាយមានជ័យ គិតត្រឹមថ្ងៃទី១៩ ខែមករា ឆ្នាំ២០២៦ មានជាង១ពាន់នាក់ ។…
ខេត្តបន្ទាយមានជ័យ ៖ មន្ត្រីអប់រំបានឱ្យដឹងថា សិស្សដែលកំពុងសិក្សាក្នុងមណ្ឌលភៀសសឹក២កន្លែង នៅខេត្តបន្ទាយមានជ័យ គិតត្រឹមថ្ងៃទី១៩ ខែមករា ឆ្នាំ២០២៦ មានជាង១ពាន់នាក់ ។
លោក ឈូ ប៊ុនរឿង ប្រធានមន្ទីរអប់រំ យុវជន និងកីឡាខេត្ត ថ្លែងថា មានសិស្សចំនួន១ ៣៥៧នាក់(ស្រី៦៥៨នាក់) កំពុងសិក្សានៅមណ្ឌលភៀសសឹកចំនួន២កន្លែង គឺក្នុងវត្តចាន់ស៊ីរតនារាម ស្រុកអូរជ្រៅ ចំនួន៥៤៩នាក់ និងនៅមណ្ឌលភៀសសឹក ក្នុងវត្តកណ្តាល ស្រុកថ្មពួក នចំនួន៨០៨នាក់ ។
ក្នុងចំណោមសិស្សចំនួន១ ៣៥៧នាក់ ដែលកំពុងសិក្សាក្នុងមណ្ឌលភៀសសឹកទាំង២កន្លែង នេះ មានសិស្សភៀសខ្លួនមកពីឃុំអូរបីជាន់ ស្រុកអូរជ្រៅ មានសាលាបឋមសិក្សាព្រៃចាន់ចំនួន១៣២នាក់ សាលាបឋមសិក្សាជោគជ័យចំនួន៤១៧នាក់ ។ ចំណែកនៅឃុំគោករមៀត ស្រុកថ្មពួក មានសាលាបឋមសិក្សាកណ្តាលចំនួន១២២នាក់ សាលាបឋមសិក្សាបន្ទាយមានឫទ្ធិចំនួន៥៤៩នាក់ សាលាបឋមសិក្សាសាមគ្គីច្រកចំនួន៦០នាក់ និងអនុវិទ្យាល័យបន្ទាយមានឫទ្ធិចំនួន៧៧នាក់ ។
លោក ឈូ ប៊ុនរឿង បញ្ជាក់ថា ក្រោយពីមានបទឈប់បាញ់ ទាហានថៃបានដាក់ទូកុងតឺន័រ និងរាយលួសបន្លាយកលំនៅឋានប្រជាពលរដ្ឋ មិនអនុញ្ញាតឱ្យចូលទៅក្នុងតំបន់ដែលពួកគេកាន់កាប់ឡើយ ។ មួយវិញទៀត លំនៅឋាន និងសាលារៀនក៏រងការខូចខាតដោយគ្រាប់កាំភ្លើង និងគ្រាប់បែកទម្លាក់ពីយន្តហោះខ្ទេចខ្ទីរដែរ ៕
ចែករំលែកព័តមាននេះ