ខេត្តកំពង់ស្ពឺ ៖ គណៈបញ្ជាការឯកភាពរដ្ឋបាលខេត្ត ស្នើអោយកងកម្លាំងទាំងបីប្រភេទ គ្រប់គ្រងជនបរទេសគ្រប់សញ្ជាតិ ដែលស្នាក់នៅក្នុងភូមិសាស្ត្រខេត្តកំពង់ស្ពឺ សំដៅបង្ការ ទប់ស្កាត់ និងបង្ក្រាបបទល្មើសនានា ឱ្យបានទាន់ពេលវេលា…
ខេត្តកំពង់ស្ពឺ ៖ គណៈបញ្ជាការឯកភាពរដ្ឋបាលខេត្ត ស្នើអោយកងកម្លាំងទាំងបីប្រភេទ គ្រប់គ្រងជនបរទេសគ្រប់សញ្ជាតិ ដែលស្នាក់នៅក្នុងភូមិសាស្ត្រខេត្តកំពង់ស្ពឺ សំដៅបង្ការ ទប់ស្កាត់ និងបង្ក្រាបបទល្មើសនានា ឱ្យបានទាន់ពេលវេលា ក្នុងនោះការបង្ក្រាបបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ទប់ស្កាត់ មិនឱ្យកើតមានក្នុងដែនសមត្ថកិច្ចខេត្តកំពង់ស្ពឺ ។
ក្នុងន័យនេះដើម្បីបង្ក្រាបបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ទទួលបាននូវប្រសិទ្ធភាព និងទប់ស្កាត់ មិនឱ្យកើតមានឡើងវិញ ក្នុងដែនសមត្ថកិច្ចខេត្តកំពង់ស្ពឺ រដ្ឋបាលខេត្ត ស្នើលោកស្នងការនគរបាលខេត្ត លោកមេបញ្ជាការកងរាជអាវុធហត្ថខេត្ត លោកអភិបាលក្រុង-ស្រុក ត្រូវ បន្តពង្រឹងការគ្រប់គ្រងជនបរទេសគ្រប់ប្រភេទឱ្យបានហ្មត់ចត់ ដែលបានទទួលស្គាល់តាមផ្លូវច្បាប់ នៃព្រះរាជាណាចក្រកម្ពុជា និងត្រូវក្ដាប់ទិន្នន័យឱ្យបានគ្រប់ជ្រុងជ្រោយ ចំពោះជនបរទេសមានប័ណ្ណស្នាក់នៅ ព្រមទាំងអនុវត្តវិធានការច្បាប់រាល់បុគ្គលណា ដែលមិនសហការជាមួយអាជ្ញាធរមានសមត្ថកិច្ចក្នុងការបង្ក្រាប ជនបរទេសគ្រប់ប្រភេទ ស្របតាមបទដ្ឋានគតិយុត្តជាធរមាន ៕
ចែករំលែកព័តមាននេះ