យោងតាមការផ្សាយរបស់សារព័ត៌មានបរទេស ចេកណាំវ៉ាគឺជាប្រភពថាមពល និងវីតាមីនដ៏ប្រសើរសម្រាប់សុខភាពបេះដូង និងប្រព័ន្ធរំលាយអាហារ ប៉ុន្តែការជ្រើសរើសមិនបានត្រឹមត្រូវអាចនាំឱ្យអ្នកទទួលទានជាតិពុលគីមីដោយមិនដឹងខ្លួន។
សញ្ញាព្រមានដ៏សំខាន់បំផុតដែលអ្នកត្រូវប្រុងប្រយ័ត្ន គឺនៅត្រង់ទង ឬដើមចេកដែលមានពណ៌ខ្មៅក្រៀមស្វិតខ្លាំង ខណៈដែលសំបកនៅតែមានពណ៌បៃតងស្រស់ខុសធម្មតា។ ចេកប្រភេទនេះនឹងមិនទុំជាពណ៌លឿងដោយធម្មជាតិឡើយ ទោះបីជាទុកចោលយូរប៉ុណ្ណាក៏ដោយ ព្រោះវាត្រូវបានគេជ្រលក់សារធាតុគីមីដើម្បីទប់ស្កាត់ការទុំ ឬរក្សាភាពស្រស់ដែលមើលទៅបោកប្រាស់ភ្នែក។
ប្រសិនបើអ្នកជួបប្រទះចេកដែលមានលក្ខណៈបែបនេះ ដាច់ខាតត្រូវបោះវាចោលភ្លាមៗ ព្រោះជាតិគីមីអាចជ្រាបចូលទៅក្នុងសាច់ចេក និងបង្កជាជំងឺកកកុញក្នុងរាងកាយរយៈពេលវែង។ ដើម្បីសុវត្ថិភាព អ្នកគួរជ្រើសរើសចេកណាដែលមានទងនៅស្រស់ មិនខ្មៅក្រៀម និងមានពណ៌សម្បុរសំបកដែលប្រែពីបៃតងទៅលឿងជាលំដាប់ក្នុងរយៈពេល ២ ទៅ ៣ ថ្ងៃតាមបែបធម្មជាតិ។
ការយកចិត្តទុកដាក់លើចំណុចតូចតាចទាំងនេះ នឹងជួយការពារសុខភាពក្រុមគ្រួសារអ្នកពីផលប៉ះពាល់នៃសារធាតុគីមីដែលមើលមិនឃើញ៕
ចែករំលែកព័តមាននេះ