គ្រួសារស.ពអតីតយុទ្ធជន១៦រូបក្នុងក្រុងសៀម រាបទទួលបានថវិកាបេឡាមរណសង្គ្រោះ
- សៀមរាប
ខេត្តសៀមរាប ៖ កាលពីរសៀលថ្ងៃទី១៥ ខែមករា ឆ្នាំ២០២៦ សាខាសមាគមអតីតយុទ្ធជន និងនិវត្តជនកម្ពុជាខេត្ត បាននាំយកថវិការបស់សម្តេចអគ្គមហាសេនាធិបតីតេជោ ហ៊ុន សែន…
ខេត្តសៀមរាប ៖ កាលពីរសៀលថ្ងៃទី១៥ ខែមករា ឆ្នាំ២០២៦ សាខាសមាគមអតីតយុទ្ធជន និងនិវត្តជនកម្ពុជាខេត្ត បាននាំយកថវិការបស់សម្តេចអគ្គមហាសេនាធិបតីតេជោ ហ៊ុន សែន ប្រធានព្រឹទ្ធសភា និងជាប្រធានសមាគមអតីតយុទ្ធជននិងនិវត្តជនកម្ពុជា ប្រគល់ជូនដល់ក្រុមគ្រួសារសពបងប្អូនអតីតយុទ្ធជនចំនួន១៦គ្រួសារ នៅក្រុងសៀមរាប ដើម្បីសម្រាលដល់ក្រុមគ្រួសារក្នុងការរៀបចំបុណ្យសពឱ្យបានសមរម្យ និងទាន់ពេលវេលា ។
ការនាំយកថវិកាទៅផ្ដល់ជូននេះ ដឹកនាំដោយលោក នាក់ ណេរ៉ុន អភិបាលរងខេត្ត និងជាអនុ ប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្ត ។ លោក នាក់ ណេរ៉ុន បានសម្ដែងនូវមរណទុក្ខនិងចូលរួមសោកស្ដាយជាមួយបងប្អូនសាច់ញាតិនៃអតីតយុទ្ធជនទាំង១៦រូប ដែលបានទទួលមរណភាពកន្លងទៅនេះ ។
លោកមានប្រសាសន៍ថា ក្រោមការដឹកនាំរបស់សម្ដេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងឯកឧត្តម គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជននិងនិវត្តជនកម្ពុជា បានបន្តខិតខំប្រឹងប្រែងគ្រប់បែបយ៉ាង ដើម្បីដោះស្រាយនូវរាល់ការលំបាករបស់បងប្អូនអតីតយុទ្ធជនយើង មានដូចជា ការបែងចែកដីធ្លី ការសាងសង់ផ្ទះសម្បែងជូនបងប្អូនអតីតយុទ្ធជន ដែលមានជីវភាពលំបាកខ្វះខាតពិតប្រាកដ និងការផ្ដល់នូវប័ណ្ណបេឡាជាតិសន្តិសុខសង្គម ជូនបងប្អូនអតីតយុទ្ធជន សម្រាប់ទៅព្យាបាលជំងឺនៅមន្ទីរពេទ្យរដ្ឋដោយឥតគិតថ្លៃ ។
នៅពេលដែលអតីតយុទ្ធជនយើងទទួលមរណភាព ក្រុមគ្រួសារសពទទួលបានថវិកាបេឡាមរណសង្គ្រោះចំនួន៤លានរៀល សម្រាប់សម្រាលដល់ការធ្វើបុណ្យសពឱ្យបានសមរម្យ និងទាន់ពេលវេលាផងដែរ ។
ក្នុងនោះដែរ លោកឧត្តមសេនីយ៍ទោ ហួត សុធី ប្រធានលេខាធិការដ្ឋានសាខាសមាគមអតីតយុទ្ធជន និងនិវត្តជនកម្ពុជាខេត្ត បានបង្ហាញថា ក្នុងរយៈពេលមួយឆ្នាំ២០២៥ សមាគមបានប្រគល់ថវិកាជូនគ្រួសារសមាជិកសមាគមសរុបចំនួន ១៥១សព ក្នុងនោះថវិកាសម្តេចតេជោ ចំនួន ៥៦សព និងថវិកាបេឡាមរណសង្គ្រោះចំនួន ៧៩សព ។
បច្ចុប្បន្ន ខេត្តសៀមរាបមានសមាជិកអតីតយុទ្ធជនចំនួន ៦ ៦៨៧នាក់ ក្នុងនោះមាននិវត្តជន ជនពិការ ជនបាត់បង់សមត្ថភាពពលកម្ម គ្រួសារជនពលី និងគ្រួសារជនមរណៈ និងមាននិវត្តជន ដែលមិនទាន់ចូលជាសមាជិកសមាគមចំនួន ២ ៦៨២នាក់ ហើយនិវត្តជនជាមន្ត្រីរាជការស៊ីវិល ដែលមិនទាន់ចូលជាសមាជិកមានចំនួន ៣ ៤៣៣នាក់ ៕
ចែករំលែកព័តមាននេះ