បើកការប្រកួតកីឡាសីដក់ និងសីមេលោងជ្រើសរើសជើងឯកថ្នាក់ជាតិ
- ភ្នំពេញ
រាជធានីភ្នំពេញ ៖ កញ្ញា សួង ចាន់តូរ៉ាទី អគ្គលេខាធិការសហព័ន្ធកីឡាសីដក់ និងសីមេលោងកម្ពុជា បានឱ្យដឹងថា ការប្រកួតកីឡាសីដក់ និងសីមេលោង…
រាជធានីភ្នំពេញ ៖ កញ្ញា សួង ចាន់តូរ៉ាទី អគ្គលេខាធិការសហព័ន្ធកីឡាសីដក់ និងសីមេលោងកម្ពុជា បានឱ្យដឹងថា ការប្រកួតកីឡាសីដក់ និងសីមេលោង ជ្រើសរើសជើងឯកថ្នាក់ជាតិ ឆ្នាំ២០២៥ នឹងរៀបចំនៅពហុកីឡដ្ឋានមរតកតេជោរយៈពេល២ថ្ងៃ គឺនៅថ្ងៃទី១៧ដល់១៨ ខែមករា ឆ្នាំ២០២៦។
សម្រាប់វិញ្ញាសាដែលសហព័ន្ធដាក់ឱ្យប្រកួតប្រជែងមិនខុសពីការប្រកួតជើងឯកថ្នាក់ជាតិឆ្នាំមុនឡើយ ។ សហព័ន្ធនៅថែរក្សាវិញ្ញាសាប្រកួតដដែល ក្នុងនោះមានវិញ្ញាសាប្រកួត៣នាក់ទល់៣នាក់បុរស ២នាក់ទល់២នាក់បុរស និង២នាក់ទល់២នាក់នារី។
កញ្ញា សួង ចាន់តូរ៉ាទី បានរំលេចទៀតថា ការប្រកួតប្រជែងកម្រិតបច្ចេកទេសខ្ពស់បំផុតថ្នាក់ជាតិមួយនេះ ជាការស្វែងរកធនធានឆ្នើមៗដើម្បីត្រៀមប្រមូលផ្តុំក្នុងក្រុមជម្រើសជាតិ ឆ្នាំ២០២៦ សម្រាប់ត្រៀមការប្រកួតអន្តរជាតិនានា នាពេលខាងមុខ ដូចជាការប្រកួតកម្រិតអាស៊ី នៅប្រទេសជប៉ុន និងប្រកួតអន្តរជាតិនៅម៉ាឡេស៊ីជាដើម។
បន្ថែមពីលើនេះ អគ្គលេខាធិការសហព័ន្ធរូបនេះក៏បានបង្ហាញក្តីរីករាយផងដែរចំពោះការចូលរួមពីក្លិបថ្មីមួយបន្ថែមទៀត ដែលទើបនឹងបណ្តុះបណ្តាលលើប្រភេទកីឡាសីដក់ នៅក្នុងសាលារៀន ។ ឃើញបែបនេះ គ្រូបង្វឹកសហព័ន្ធក៏បានទៅបង្វឹកជំនាញកីឡានេះជូនដល់ពួកគាត់ ត្រៀមចូលរួមប្រកួតថ្នាក់ជាតិ ឆ្នាំនេះផងដែរ។
គួរឱ្យដឹងផងដែរថា សម្រាប់សមាគមក្លិបដែលនឹងចូលរួមការប្រកួតក្នុងព្រឹត្តិការណ៍ខាង
លើ រួមមាន សមាគមកីឡាសីដក់ក្រសួងមហាផ្ទៃ ក្រសួងការពារជាតិ មជ្ឈមណ្ឌលកងយោធពល
ខេមរភូមិន្ទ ក្លិបបានលុង ក្លិបកំពង់ហ្លួង និងក្លិបយុវខេមរាជាដើម ៕
ចែករំលែកព័តមាននេះ