រាជធានីភ្នំពេញ ៖ គេនៅចាំបានថាកាលពីវេលាម៉ោង៩ព្រឹកថ្ងៃទី១១ ខែមករា ឆ្នាំ២០២៦ មានក្មេងៗ១ក្រុមបានទៅបង្ហោះខ្លែងនៅក្នុងដីឡូត៌មួយកន្លែងស្ថិតនៅក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ក៏ប្រទះឃើញសពបុរសម្នាក់ដេកស្លាប់ផ្ងារដោយមានឈាមហូរពេញផ្ទៃមុខ…
រាជធានីភ្នំពេញ ៖ គេនៅចាំបានថាកាលពីវេលាម៉ោង៩ព្រឹកថ្ងៃទី១១ ខែមករា ឆ្នាំ២០២៦ មានក្មេងៗ១ក្រុមបានទៅបង្ហោះខ្លែងនៅក្នុងដីឡូត៌មួយកន្លែងស្ថិតនៅក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ក៏ប្រទះឃើញសពបុរសម្នាក់ដេកស្លាប់ផ្ងារដោយមានឈាមហូរពេញផ្ទៃមុខ ។ ពេលនោះក្មេងៗខាងលើក៏បានរត់ទៅប្រាប់មន្ត្រីក្រុមប្រឹក្សាសង្កាត់ម្នាក់ឲ្យទៅមើលនិងរាយការណ៍ប្រាប់នគរបាលឲ្យចុះទៅពិនិត្យនិងស្រាវជ្រាវ ហើយលទ្ធផលនៃការធ្វើកោសល្យវិច័យ បញ្ជាក់ថាជនរងគ្រោះស្លាប់ដោយអំពើឃាតកម្មវាយសម្លាប់ ។ គួររំលឹកថា ស្គាល់អត្តសញ្ញាណហើយ! ស.ពបុរសដែលក្មេងៗបង្ហោះខ្លែងប្រទះឃើញក្នុងដីឡូត៌ ខណៈសមត្ថកិច្ចកំពុងវែកមុខឃាតករ
ក្រោយមកកម្លាំងនគរបាលការិយាល័យព្រហ្មទណ្ឌកម្រិតស្រាលនិងនគរបាលការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញ សហការណ៍ជាមួយនគរបាលខណ្ឌពោធិ៍សែនជ័យ បានធ្វើការស្រាវជ្រាវរយៈពេល៤ថ្ងៃក៏កំណត់បានមុខសញ្ញាជនដៃដល់ ។ ក្រោយមកគឺនៅវេលាម៉ោង៤រសៀលថ្ងៃទី១៤ ខែមករា ឆ្នាំ២០២៦ ទើបឈានដល់ការឃាត់ខ្លួនឃាតករបាន នៅចំណុចមុខរោងចក្រកាត់ដេរ«ស៊ីន កៃលី» ដែលមានទីតាំងស្ថិតនៅភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ ។
ឃាតករដែលត្រូវឃាត់ខ្លួននោះឈ្មោះ ជ័យ ពន្លឺ ភេទប្រុស អាយុ២៧ឆ្នាំ មុខរបរកម្មកររោងចក្រស្នាក់នៅបន្ទប់ជួលភូមិទួលពង្រ សង្កាត់ចោមចៅទី១ និងមានស្រុកកំណើតនៅភូមិឈើទាលខ្ពស់ ឃុំកំពង់លើ ស្រុកក្រគរ ខេត្តពោធិ៍សាត់ ។ ក្រោយពេលឃាត់ខ្លួនជនដៃលដល់រូបនោះ នគរបាលដកហូតបាន ម៉ូតូម៉ាកហុងដាឌ្រីសេ១២៥ពណ៌ខ្មៅ ពាក់ស្លាកលេខពោធិ៍សាត់1K 4339 ដែលជាជារបស់ជននោះផងដែរ ។ ដោយឡែកបុរសរងគ្រោះដែលត្រូវបានវាយសម្លាប់នោះឈ្មោះ សុវណ្ណ រ៉ា អាយុ៤០ឆ្នាំ ជនជាតិខ្មែរ មុខរបរកម្មករឃ្លាំងឥដ្ឋការ៉ូ ស្នាក់នៅផ្ទះលេខ៧៣ ផ្លូវបេតុង ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ។
សមត្ថកិច្ចបានប្រាប់ថា ករណីនេះផ្ដើមចេញពីរឿងជម្លោះក្នុងឧប្បត្តិហេតុគ្រោះថ្នាក់ចរចរណ៍ ដោយជនរងគ្រោះនិងជនដៃដល់ជិះម៉ូតូបុក គ្នា បណ្ដាលឲ្យម៉ូតូជនដៃដល់រងការខូចខាត ។ ពេលនោះជនដៃដល់បានទារសំណង៦ម៉ឺនរៀលមិនបាន ហើយជនរងគ្រោះវាយ១ដៃចំទ្រូង ទើបជនដៃដល់យកដុំថ្មវាយតបតវិញរហូតដល់ស្លាប់តែម្ដង មិនតែប៉ុណ្ណោះភាគីទាំង២សុទ្ធតែស្រវឹងរៀងខ្លួនទៀតផង ។
ជនជាឃាតកររូបនោះបានឆ្លើយសារភាពប្រាប់នគរបាលថា កាលពីវេលាម៉ោងប្រមាណ១៨និង៣០នាទីយប់ថ្ងៃទី១០ ខែមករា ឆ្នាំ២០២៦ ខ្លួននិងបងប្អូនឈ្មោះរ័ក្ស ភេទប្រុសអាយុប្រមាណ២៥ឆ្នាំ និងឈ្មោះមិញ ភេទប្រុស អាយុប្រមាណ២០ឆ្នាំ បានជុំគ្នាផឹកស្រាបៀរអស់០១កេស រហូតដល់ម៉ោងប្រមាណ២០យប់ថ្ងៃដដែលទើបឈប់ផឹក ។ បន្ទាប់មកខ្លួនក៏ជិះម៉ូតូម៉ាកហុងដាឌ្រីមសេ១២៥ ផលិតឆ្នាំ២០២០ ពណ៌ខ្មៅ ពាក់ស្លាកលេខពោធិ៍សាត់1k – 4339 ទៅហៅមិត្តភក្តិប្រុស០២នាក់ទៀតដែលម្នាក់ឈ្មោះតូ និងម្នាក់ទៀតឈ្មោះអាម៉ៅ នៅបន្ទប់ជួលម្តុំស្ទឹងមានជ័យ ដើម្បីទៅហូបសាច់ឆ្កែជាមួយគ្នា ។ លុះពេលទៅដល់បន្ទប់ជួលបានជួបគ្នា ក៏នាំគ្នាទៅហូបសាច់ឆ្កែ នៅកន្លែងលក់សាច់ឆ្កែ ស្ថិតនៅក្នុងភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ ដោយឈ្មោះតូនិងឈ្មោះអាម៉ៅ ជិះម៉ូតូម៉ាកនិច ពណ៌ស មិនចាំស្លាកលេខឌុបគ្នា ។
ក្រោយហូបសាច់ឆ្កែអស់០២ចាននិងផឹកស្រាសអស់០១លីត្រ នៅវេលាម៉ោងប្រហែល២០និង៣០នាទីយប់ថ្ងៃដដែលទើបឈប់ផឹក រួចគិតលុយអស់២០,០០០រៀល ។ បន្ទាប់មកឈ្មោះតូនិងឈ្មោះអាម៉ៅ ក៏បានជិះម៉ូតូត្រលប់ទៅបន្ទប់ជួលរបស់ពួកគេវិញ ចំណែកខ្លួនក៏ជិះម៉ូតូចេញដែរ ដោយធ្វើដំណើរក្នុងទិសដៅពីទិសជើងទៅត្បូង ។
ជនដៃដលខាងលើនេះបានសារភាពប្រាប់នគរបាលបន្តទៀតថា ខណៈទៅពេលមកដល់ហួសម្តុំអគ្គិសនី បន្តិចស្ថិតនៅតាមផ្លូវបេតុង សង្កាត់ស្ទឹងមានជ័យទី៣ ខណ្ឌមានជ័យ ស្រាប់តែជនរងគ្រោះឈ្មោះ សុវណ្ណ រ៉ា ជិះម៉ូតូ១គ្រឿងម៉ាកហុងដាឌ្រីមសេ១២៥ ពណ៌ខ្មៅ ផលិតឆ្នាំ ២០២២ ពាក់ស្លាកលេខភ្នំពេញ1AK 5220 ក្នុងទិសដៅពីកើតទៅលិចបញ្ច្រាស់គ្នាមកបុកម៉ូតូរបស់ខ្លួនពីខាងចំហៀងខាងឆ្វេង បណ្តាលឲ្យខូចខាតបែកក្បាំង ។ ពេលនោះខ្លួនក៏បានទារឲ្យសងថ្លៃខូចខាតចំនួន៦០,០០០រៀល ប៉ុន្តែជនរងគ្រោះឆ្លើយថា «គ្មានប្រាក់ទេ បើទៅបន្ទប់ជួលទើបមានលុយសង» បន្ទាប់មកជនរងគ្រោះក៏ជិះម៉ូតូទៅរកបន្ទប់ជួលដើម្បីយកលុយឲ្យខ្លួន តែវង្វែងរកបន្ទប់ជួលមិនឃើញ សោះ ហើយខ្លួនក៏បានដកកូនសោម៉ូតូជនរងគ្រោះទុក រួចយកម៉ូតូរបស់ខ្លួនទៅដាក់ផ្ញើរ ។ ពេលនោះខ្លួនប្រាប់ឲ្យជនរងគ្រោះយកម៉ូតូទៅដាក់ផ្ញើរដែរតែជនរងគ្រោះមិនព្រមទេ រួចបណ្តើរម៉ូតូចូលទៅផឹកទឹកត្នោតជូរ ព្រមទាំងបបួលខ្លួនឲ្យចូលផឹកជាមួយដែរ តែខ្លួនឆ្លើយថាគ្មានលុយទេ រហូតដល់ម៉ោងប្រហែល២៣និង០០នាទី ទើបឡើងជិះជនរងគ្រោះជិះម៉ូតូកង់បីដោយប្រាប់ម្ចាស់ហាងលក់ទឹកត្នោតជូរថា ទៅយកលុយមកសងថ្លៃទឹកត្នោតជូរចំនួន៨០,០០០រៀល ។
ឃាតករបានប្រាប់នគរបាលបន្ថែមទៀតថា លុះមួយសន្ទុះក្រោយមកក៏ឃើញត្រលប់មកវិញ ហើយអ្នករត់ម៉ូតូកង់បីបានប្រាប់ថារកបន្ទប់ជួលគាត់មិនឃើញទេ ហើយជនរងគ្រោះបានចុះពីលើម៉ូតូកង់បី រួចដើរចេញពីមុខហាងទឹកត្នោតជូរបានចម្ងាយប្រហែល១,០០០ម៉ែត្រ ខ្លួនក៏សួរជនរងគ្រោះថា«ទៅណាបើរកបន្ទប់ជួលមិនឃើញ ? » ។ ពេលនោះខ្លួនក៏បបួលជនរងគ្រោះទៅដេកនៅលើស្មៅក្នុងដីឡូតិ៍កន្លែងកើតហេតុ រហូតដល់ម៉ោង១២និង៣០នាទីយប់រំលងអាធ្រាត្រឈានចូលថ្ងៃអាទិត្យទី១១ ខែមករា ឆ្នាំ២០២៦ ជនរងគ្រោះបានក្រោកពីដេក ខ្លួនក៏សួរថាទៅណា ? ជនរងគ្រោះឆ្លើយថាទៅនោម ។ លុះពេលនោមរួចជនរងគ្រោះក៏ដើរមកជិតខ្លួន ហើយបានវាយខ្លួន១ដៃចំដើមទ្រូង ទើបខ្លួនក៏វាយតបតនិងអុកមួយជង្គង់ បណ្ដាលឲ្យជនរងគ្រោះដួលផ្ងារក្រោយ រួចខ្លួនវាយលើផ្ទៃមុខ៤ដៃថែមទៀត ព្រមទាំងយកដុំថ្មប៉ុនកំភួនដៃវាយក្បាល៣ដុំថ្ម បណ្តាលឲ្យហូរឈាមយ៉ាងច្រើនស្រែកដង្ហក់ដង្ហើមចង្រិត ។
បន្ទាប់មកខ្លួនបានទាញដៃជនរងគ្រោះទាំងពីរអូសដាក់អែបរបងថ្មដីឡូតិ៍ ខណៈនោះដោយឃើញជនរងគ្រោះមកទាន់ស្លាប់ ហើយប្រទះឃើញថ្មមួយដុំធំទម្ងន់ប្រមាណ៨គីឡូក្រាមនៅជិតនោះ ខ្លួនក៏លើកទៅអុកក្បាលជនរងគ្រោះ១ដុំថ្មធំនោះបន្ថែមទៀតរហូតដល់ស្លាប់ ។ បន្ទាប់មកទៀតក៏អូសសាកសពជនរងគ្រោះទៅដាក់ជាប់របងថ្មដីឡូតិ៍ក្នុងគុម្ពោធព្រៃនិងស្មៅ រួចគេចខ្លួនទៅបន្ទប់ជួលវិញ លុះដល់ថ្ងៃទី១៤ ខែមករា ឆ្នាំ២០២៦សមត្ថកិច្ចក៏បានទៅឃាត់រូបខ្លួននៅចំណុចមុខរោងចក្រកាត់ដេរ យីហោស៊ីនកៃលី ផ្លូវបេតុង ភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ នាំមកកាន់ស្នងការដ្ឋាននគរបាលរាជធានីភ្នំពេញតែម្តង ៕
ចែករំលែកព័តមាននេះ