ខេត្តតាកែវ ៖ កាលពីពេលថ្មីៗនេះមន្ត្រីនគរបាលជាច្រើននៅក្នុងស្រុកបាទីទាំងមូលនាំគ្នាជជែកវែកញែកដេញដោលគ្នាទៅវិញទៅមករឿងលោក ឆាយ កែវមន្នី អធិការស្រុកបាទី កំណត់អោយពួកគាត់ឧបត្ថម្ភទឹកប្រាក់តាមតួនាទីទៅជួយកងទព័ជួរមុខច្រើនលើសលុបជាងបណ្តាស្រុកផ្សេងៗក្នុងខេត្តតាកែវ ។ ព័ត៌មានធ្លាយចេញមកពីក្នុងអធីការដ្ឋានស្រុកបាទីបានអោយដឹងថា អធិការងក្នុងម្នាក់…
ខេត្តតាកែវ ៖ កាលពីពេលថ្មីៗនេះមន្ត្រីនគរបាលជាច្រើននៅក្នុងស្រុកបាទីទាំងមូលនាំគ្នាជជែកវែកញែកដេញដោលគ្នាទៅវិញទៅមករឿងលោក ឆាយ កែវមន្នី អធិការស្រុកបាទី កំណត់អោយពួកគាត់ឧបត្ថម្ភទឹកប្រាក់តាមតួនាទីទៅជួយកងទព័ជួរមុខច្រើនលើសលុបជាងបណ្តាស្រុកផ្សេងៗក្នុងខេត្តតាកែវ ។ ព័ត៌មានធ្លាយចេញមកពីក្នុងអធីការដ្ឋានស្រុកបាទីបានអោយដឹងថា អធិការងក្នុងម្នាក់ ១០ម៉ឺនរៀល នាយប៉ុស្តិ៍ ១០ម៉ឺនរៀល ចំណែកមន្ត្រីតាមបណ្ដាប៉ុស្តិ៍ក្នុងម្នាក់ ៤ម៉ឺនរៀលដោយសរុបក្នុងស្រុកបាទីទាំងមូលបានជាង ៩លានរៀល តែលោកអធិការយកលុយទៅជូនស្នងការតែ ៤លានរៀលប៉ុណ្ណោះ ។
ពាក់ពន្ធ័ករណីខាងលើលោក ជ័យ សារ៉ាន់ អធិការងផែនសេនាធិកាស្រុកបាទី បានអោយដឹងថាលោកមិនអាចឆ្លើយបានទេដោយអោយអ្នកកាសែតសួរទៅលោក ឆាយ កែវមន្នី ដោយផ្ទាល់ទៅព្រោះលោកជាកូនចៅ ។
ប្រភពព័ត៏មានពីមន្ត្រីនគរបាលតាមបណ្ដាស្រុកផ្សេងៗក្នុងខេត្តតាកែវបានបង្ហើបអោយដឹងថាគ្មានការកំណត់អោយឧបត្ថម្ភលុយនោះទេ គឺតាមសទ្ធា ១ម៉ឺនរៀលសម្រាប់មន្ត្រីនាយប៉ុស្ដិ៍ និងអធិការងត្រឹមតែ ២ម៉ឺនរៀលនោះទេ ។
បើយោងតាមសម្តីលោក ហង់ ដុង នាយប៉ុស្តិ៍រដ្ឋបាលឃុំត្នោតស្រុកបាទី បានអោយដឹងថាក្នុងប៉ុស្តិ៍លោកពិតជាបានឧបត្ថម្ភលុយដោយលោកផ្ទាល់គឺ ១០ម៉ឺនរៀលចំណែកនាយរងប៉ុស្តិ៍ និងមន្ត្រីម្នាក់ ៤ម៉ឺនរៀលពិតប្រាកដមែន ។
ពាក់ពន្ធ័ករណីនេះផងដែរ លោក សៅ សារុន អ្នកនាំពាក្យស្នងកានគរបាលខេត្តតាកែវ បានអោយដឹងថាលោកមិនទាន់ទទួលបានព័ត៏មាននេះនៅឡើយទេ ហើយលោកសសើរអ្នកកាសែតដឹងរឿងនេះលឿនជាងលោកទៅទៀត លោកបានបន្ថែមទៀតថា លោកនិងស្រាវជ្រាវបន្ត ។
ពាក់ពន្ធ័ករណីខាងលើអ្នកយកព័ត៏មានមិនអាចសុំកាបំភ្លឺពីលោក ឆាយ កែវមន្នី បានទេដោយលោកមិនទម្លាប់ទទួលលេខអ្នកកាសែត ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ