កម្ពុជាដឹកនាំក្រុមអ្នកសង្កេតការណ៍អាស៊ាន (AOT) ចុះពិនិត្យទីតាំងវា.យប្រហារពីយោធាថៃ នៅស្រុកអន្លង់វែង
ឧត្តរមានជ័យ ៖ លោក ម៉េត មាសភក្តី និងក្រុមការងារ បានដឹកនាំគណៈប្រតិភូ រួមជាមួយក្រុមអ្នកសង្កេតការណ៍អាស៊ាន (AOT) ចុះពិនិត្យផ្ទាល់លើទីតាំង…
ឧត្តរមានជ័យ ៖ លោក ម៉េត មាសភក្តី និងក្រុមការងារ បានដឹកនាំគណៈប្រតិភូ រួមជាមួយក្រុមអ្នកសង្កេតការណ៍អាស៊ាន (AOT) ចុះពិនិត្យផ្ទាល់លើទីតាំង ដែលរងការវាយប្រហារពីកងកម្លាំងយោធាថៃនាពេលកន្លងមក នៅស្រុកអន្លង់វែង ដើម្បីវាយតម្លៃពីផលប៉ះពាល់ជាក់ស្តែង និងស្នើសុំឱ្យមានភាពយុត្តិធម៌សម្រាប់ប្រជាពលរដ្ឋ ។ នេះបើយោងតាមក្រសួងព័ត៌មាន បានប្រកាសនារសៀលថ្ងៃទី១៤ ខែមករានេះ ។
ដំណើរចុះពិនិត្យនេះ ក៏មានការចូលរួមពីឧត្តមសេនីយ៍ទោ ជា សុភ័ក្រ មេបញ្ជាការរងយោធភូមិភាគ៤ លោកអភិបាលស្រុកអន្លង់វែង និងក្រុមការងារពាក់ព័ន្ធផងដែរ ។ ក្រុមការងារបានផ្តោតសំខាន់លើការពិនិត្យ នៅតំបន់ច្រកទ្វារព្រំដែនអន្តរជាតិជាំ ស្ថិតក្នុងស្រុកអន្លង់វែង និងទីតាំងសាធារណៈ ទីតាំងឯកជន ព្រមទាំងផ្ទះសម្បែងរបស់ប្រជាពលរដ្ឋជនស៊ីវិលស្លូតត្រង់ ដែលទទួលរងនូវផលប៉ះពាល់ដោយផ្ទាល់។
បន្ទាប់ពីបានពិនិត្យ និងវាយតម្លៃជាក់ស្តែងលើស្ថានការណ៍ហើយ លោក ម៉េត មាសភក្តី អភិបាលរងខេត្តឧត្តរមានជ័យ បានស្នើសុំយ៉ាងទទូចដល់ក្រុមអ្នកសង្កេតការណ៍អាស៊ាន (AOT) ឱ្យពាំនាំនូវស្ថានភាពពិតនៃការវាយប្រហារ ក៏ដូចជា ទុក្ខលំបាក និងការរងគ្រោះរបស់ប្រជាពលរដ្ឋក្នុងខេត្តឧត្តរមានជ័យ ។
លោកអភិបាលរងខេត្ត ក៏បានបន្ថែមទៀតថា ការស្នើសុំនេះ គឺក្នុងគោលបំណងស្វែងរក និងផ្តល់ជូនមកវិញនូវភាពយុត្តិធម៌សម្រាប់ប្រជាពលរដ្ឋនៅតាមបណ្តោយព្រំដែន ដែលរងផលប៉ះពាល់៕
ចែករំលែកព័តមាននេះ