គុយបា-អាមេរិក ៖ ប្រធានាធិបតីអាមេរិក លោកដូណាល់ត្រាំំ កាលពីថ្ងៃទី១១ មករាទាមទារឲ្យគុយបាចុះហត្ថលេខាលើកិច្ចព្រមព្រៀងប្រេងកាតមួយ ជាមួយសហរដ្ឋអាមេរិកដោយព្រមានថា ប្រទេសនោះនឹងលែងបានទទួលប្រេងកាត ឬក៏ប្រាក់ពីវេណេស៊ុយអេឡា ដែលជាអ្នកផ្គត់ផ្គង់…
គុយបា-អាមេរិក ៖ ប្រធានាធិបតីអាមេរិក លោកដូណាល់ត្រាំំ កាលពីថ្ងៃទី១១ មករាទាមទារឲ្យគុយបាចុះហត្ថលេខាលើកិច្ចព្រមព្រៀងប្រេងកាតមួយ ជាមួយសហរដ្ឋអាមេរិកដោយព្រមានថា ប្រទេសនោះនឹងលែងបានទទួលប្រេងកាត ឬក៏ប្រាក់ពីវេណេស៊ុយអេឡា ដែលជាអ្នកផ្គត់ផ្គង់ និងជាដៃគូជិតស្និទ្ធរបស់ក្រុងឡាហាវ៉ាន ចាប់តាំងពីច្រើនទសវត្សរ៍មកហើយទៀតនោះទេ ។
ក្នុងសារមួយផ្សាយតាមបណ្ដាញសង្គមTRUTH SOCIALរបស់លោកប្រធានាធិបតីអាមេរិកចោទប្រកាន់គុយបាថា ជួយផ្ដល់ដល់វេណេស៊ុយអេឡានូវសេវាកម្មសន្តិសុខជាថ្នូរនឹងប្រេងកាតព្រមទាំងប្រាក់កាស ។ ការគំរាមទាំងនោះ កើតមាន១សប្ដាហ៍ក្រោយការធ្វើអន្តរាកមន៍យោធាអាមេរិកនៅវេណេស៊ុយអេឡា ដែលនាំទៅដល់ការចាប់ខ្លួនប្រធានាធិបតីប្រទេសនេះ លោកនីកូឡាស់ម៉ាឌូរ៉ូនិងការបញ្ជូនរូបលោកទៅកាន់ក្រុងញ័វយ៉ក។ ប្រតិបត្តិការពេលយប់នោះ បណ្ដាលឲ្យស្លាប់សមាជិកកងកម្លាំងសនិ្តសុខវេណេស៊ុយអេឡា និងគុយបាច្រើនសិបនាក់ ។
គុយបាចាប់តាំងពីច្រើនឆ្នាំមកហើយរស់ដោយសារប្រេងក្នុងចំនួនដ៏ច្រើន និងប្រាក់មកពីវេណេស៊ុយអេឡា។ ជាថ្នូរវិញគុយបា បានបញ្ជូនភ្នាក់ងារសន្តិសុខជួយការពារមេដឹកនាំ
វេណេស៊ុយអេឡា២រូបចុងក្រោយ ។ លោកត្រាំបានគំរាមថា នឹងលែងមានប្រេងនិងប្រាក់ទៀត សម្រាប់គុយបាឡើយ គឺសូន្យតែម្ដង ។ ខ្ញុំស្នើដ៏ទទូចឲ្យគុយបាចុះហត្ថលេខា លើកិច្ចព្រមព្រៀងមួយមុនអ្វីៗវាយឹតពេល ។ គុយបាបានប្រតិកម្មតបវិញថា ត្រៀមការពារមាតុភូមិ ។ ប្រធានាធិបតីគុយបាលោកមីហ្គែលឌីយ៉ាស់កាណែល តាមបណ្ដាញសង្គមXបានឆ្លើយតបវិញ កាលពីថ្ងៃទី១១មករាថា គ្មាននរណាមួយអាចមកចាប់បង្ខំប្រទេសលោកឲ្យធ្វើអ្វីមួយឡើយ ។
គុយបាជាប្រទេសសេរីនិងឯករាជ្យមួយ ដែលរងការឈ្លានពានរបស់អាមេរិក ចាប់តាំងពី៦៦ឆ្នាំមកហើយ ។ គុយបារៀបចំ និងត្រៀមខ្លួនការពារមាតុភូមិ រហូតដល់ដំណក់ឈាមចុងក្រោយ ។ ចំណែករដ្ឋមន្ត្រីការបរទេសគុយបាលោកព្រុយណូរ៉ូឌ្រីហ្គេសវិញ ក្នុងសារមួយតាមណ្ដាញសង្គមសរសេរថា គុយបាមិនដែលទទួលបានការប៉ះប៉ូវជាប្រាក់កាសឬសម្ភារ សម្រាប់ការផ្ដល់សេវាកម្មសន្តិសុខដល់ប្រទេសណាមួយឡើយ ។
ផ្ទុយពីសហរដ្ឋអាមេរិក យើងមិនមែនជារដ្ឋាភិបាលដែលត្រៀមខ្លួនធ្វើជាទាហានស៊ីឈ្នួល ធ្វើការចាប់បង្ខំឬគំរាមខាងយោធា ប្រឆាំងប្រទេសដទៃៗទៀតឡើយ ។ លោកបន្តថាប្រទេសលោកនឹងមិនត្រូវចាប់បង្ខំ ឲ្យភ្ជាប់ទំនាក់ទំនងពាណិជ្ជកម្ម ក្រោមការគាបសង្កត់ឬការគំរាមកំហែងឡើយ ។
សេចក្ដីថ្លែងការណ៍ទាំងនេះ របស់មេដឹកនាំគុយបាធ្វើឡើង ពេលលោកដូណាល់ត្រាំនាពេលថ្មីៗនេះបានគំរាមថា នឹងពង្រីកប្រតិបត្តិការរបស់ខ្លួនពីវេណេស៊ុយអេឡាដល់គុយបា កូឡុំប៊ីឬរហូតដល់ប្រទេសម៉ិចស៊ិកជិតខាងខ្លួនទៀតផង ។
រដ្ឋមន្ត្រីការបរទេសគុយបាបន្តទៀតថា គុយបាមានសិទ្ធិដាច់ខាតនាំចូលប្រេងពីបណ្ដាទីផ្សារដែលចង់នាំចេញប្រេង ហើយអនុវត្តសិទ្ធិរបស់ខ្លួនផ្ទាល់ក្នុងការពង្រីក ទំនាក់់ទំនងពាណិជ្ជកម្ម ដោយមិនបាច់រណប ចំពោះបណ្ដាវិធានការជាឯកតោភាគីរបស់អាមេរិក។
លោកព្រុយណូរ៉ូឌ្រីហ្គេសបន្តទៀតថា ច្បាប់អន្តរជាតិ ស្ថិតនៅក្បែរគុយបាជានិច្ចហើយលោករិះគន់អាមេរិក ចំពោះឥរិយាបថដែលលោកចាត់ទុកថា ឧក្រិដ្ឋនិងអនុន្តរភាព
និយម។
រយៈពេលប៉ុន្មានថ្ងៃចុងក្រោយនេះ លោកត្រាំបានបង្កើនការគំរាមកំហែង ធ្វើអន្តរាគមន៍យោធាជាយថាហេតុលើគុយបា។ រួចកាលពីថ្ងៃទី១១ មករា លោកត្រាំរហូតដល់បង្ហោះសារមួយតាមបណ្ដាញសង្គមX ថា រដ្ឋមន្ត្រីការបរទេសលោក គឹលោកម៉ាកូរ៉ូប៊ីយ៉ូ នឹងអាចជាប្រធានាធិបតីគុយបាទៀតផង ៕
ចែករំលែកព័តមាននេះ