រាជធានីភ្នំពេញ ៖ សហព័ន្ធកីឡាប្រដាល់គុនខ្មែរអន្តរជាតិបានប្រកាសបើកព្រឹត្តិការណ៍ប្រដាល់គុនខ្មែរជើងឯកពិភពលោក ២០២៥ឡើងវិញ ពីថ្ងៃទី១០ ដល់ថ្ងៃទី១៤ ខែកុម្ភៈ ឆ្នាំ២០២៦ នៅក្នុងបរិវេណទីលានតេជោ ក្រុងព្រះសីហនុ…
រាជធានីភ្នំពេញ ៖ សហព័ន្ធកីឡាប្រដាល់គុនខ្មែរអន្តរជាតិបានប្រកាសបើកព្រឹត្តិការណ៍ប្រដាល់គុនខ្មែរជើងឯកពិភពលោក ២០២៥ឡើងវិញ ពីថ្ងៃទី១០ ដល់ថ្ងៃទី១៤ ខែកុម្ភៈ ឆ្នាំ២០២៦ នៅក្នុងបរិវេណទីលានតេជោ ក្រុងព្រះសីហនុ ខេត្តព្រះសីហនុ។
គណៈកម្មាធិការជាតិអូឡាំពិកកម្ពុជា និងសហព័ន្ធកីឡាគុនខ្មែរអន្តរជាតិធ្លាប់ប្រកាសបើកការប្រកួតប្រដាល់គុនខ្មែរជ្រើសរើសជើងឯកពិភពលោកលើកទី៦ ប្រចាំឆ្នាំ២០២៥ ម្ដងរួចមកហើយកាលពីថ្ងៃទី១៧ ដល់ថ្ងៃទី២០ ខែធ្នូ ឆ្នាំ២០២៥កន្លងទៅ ។ ប៉ុន្តែត្រូវបានលើកពេលដោយសារបញ្ហាសង្គ្រាមឈ្លានពានពីសំណាក់ទាហានសៀមនៅតាមបណ្ដោយព្រំដែន។
ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការ
គណៈកម្មាធិការជាតិអូឡាំពិកកម្ពុជាធ្លាប់បានមានប្រសាសន៍ហើយថា កម្ពុជាចង់ប្រែក្លាយតំបន់ទេសចរណ៍ខេត្តព្រះសីហនុដូចនៅឡាសវេហ្គាស សហរដ្ឋអាមេរិក ។ ជាកន្លែងប្រមូលផ្ដុំទៅដោយកំពូលអ្នកប្រដាល់ល្បីៗមកពីជុំវិញពិភពលោក និងជាកន្លែងចាប់គូប្រកួតដ៏ធំផងដែរ។
នេះជាលើកទី៦ហើយដែលសហព័ន្ធកីឡាប្រដាល់គុនខ្មែរអន្តរជាតិរៀបចំការប្រកួតដណ្ដើមជើងឯកពិភពលោក ដោយមានការចូលរួមពីកីឡាករ កីឡាការិនីឆ្នើមៗមកពីប្រទេសដែលជាសមាជិកសហព័ន្ធកីឡាប្រដាល់គុនខ្មែរអន្តរជាតិ ។ ព្រឹត្តិការណ៍នេះរៀបចំឡើងក្រៅពីផ្សព្វផ្សាយមរតកក្បាច់គុនខ្មែរ វាក៏ជាឱកាសផ្សព្វផ្សាយពីគោលដៅទេសចរណ៍រឆ្នេរសមុទ្ររបស់កម្ពុជានៅខេត្តព្រះសីហនុទៅកាន់ពិភពលោកផងដែរ ៕
ចែករំលែកព័តមាននេះ