រាជធានីភ្នំពេញ ៖ តារាស្រីនាង រ៉េត សារីតា បានប្រកាសអះអាងថា នាងបានសម្រចផ្អាកការងារមួយរយៈ ដើម្បីងាកមកដុះខាត់ជំនាញសិល្បៈភាពយន្ត និងតន្ត្រី បន្ទាប់ពីនាងទើបតែរៀបការយ៉ាងឱឡារឹកកាលពីពេលថ្មីៗនេះ…
រាជធានីភ្នំពេញ ៖ តារាស្រីនាង រ៉េត សារីតា បានប្រកាសអះអាងថា នាងបានសម្រចផ្អាកការងារមួយរយៈ ដើម្បីងាកមកដុះខាត់ជំនាញសិល្បៈភាពយន្ត និងតន្ត្រី បន្ទាប់ពីនាងទើបតែរៀបការយ៉ាងឱឡារឹកកាលពីពេលថ្មីៗនេះ ។
ការលើកឡើងពី រ៉េត សារីតា នាពេលនេះ គឺស្របទីនឹងគោលដៅរបស់នាងដែលចង់អភិវឌ្ឍន៍ខ្លួនមកជាអ្នកដឹកនាំរឿង បន្ទាប់ពីអាជីពសម្តែង ។ តាមរយៈសំំណេរដែលបានបង្ហោះលើបណ្តាញសង្គម អតីតបេក្ខភាពបវរកញ្ញាចក្រវាទ្បកម្ពុជា នាង រ៉េត សារីតា បានគូសបញ្ជាក់ថា សូមសម្រាកមួយរយៈខ្លីពីការងារ ដើម្បីមកដុះខាត់បន្ថែមលើចំណេះជំនាញសិល្បៈផ្នែកភាពយន្ត និងតន្ត្រី ។ ការលើកឡើងខាងលើ ពីតារាស្រីរូបនេះ គឺហាក់ស្របគ្នាទៅនឹងគោលដៅដែលនាងធ្លាប់បានបញ្ជាក់កាលពីពេលកន្លងទៅដែរ ។
រ៉េត សារីតា ធ្លាប់បានលើកឡើងតាមបទសម្ភាសន៍នៅស្ថានីយទូរទស្សន៍មួយ កាលពីពេលកន្លងទៅថា ការថតភាពយន្តជាចំណង់ចំណូលចិត្តរបស់ពួកគេ ដូច្នេះ ទើបចង់សាកល្បងចេញដឹកនាំថតភាពយន្តដោយខ្លួនឯង ដើម្បីបានដាក់បញ្ចូលគំនិតច្នៃប្រតិដ្ឋថ្មីៗក្នុងនាមជាសិល្បករជំនាន់ក្រោយ និងជាតារាសម្តែងម្នាក់ដែលធ្លាប់រួមការងារជាមួយផលិតករជាតិ-អន្តរជាតិជាច្រើន។
សម្តែងស្រីរូបនេះ បានរៀបរាប់ឱ្យដឹងអំពីដំណើរការថតភាពយន្ត និងប្រភេទរឿងដែលពួកគេកំពុងសំងំថតយ៉ាងដូច្នេះថា ខ្លួនពិតជាពេញចិត្តយ៉ាងខ្លាំងចំពោះការចាប់ផ្តើមអាជីពជា
ផលិតករភាពយន្ត ទោះបីត្រូវជួបផលលំបាកច្រើនក៏គ្រប់គ្នាមិនរុញរា ហើយព្យាយាមស្វែងរកដំណោះស្រាយរៀងៗខ្លួន។
ជាការកត់សម្គាល់ រ៉េត សារីតា បានសម្រេចរៀបចំពិធីអាពាហ៍ពិពាហ៍ជាមួយស្វាមីលោកTomas ដែលជាអ្នកជំនួញវ័យក្មេង រយៈពេល៣ថ្ងៃ កាលពីថ្ងៃទី១៨, ១៩ និងថ្ងៃទី២០ ខែធ្នូ ឆ្នាំ២០២៥ នៅក្នុងខេត្តសៀមរាប ដោយមានកម្មវិធីប្រពៃណី និងបែបអឺរ៉ុប ។ កម្មវិធីនេះ គេឃើញមាន មិត្តភក្តិ និងបងប្អូនរបស់នាងជាច្រើនបានចូលរួម ទើបរៀបចំកម្មវិធីមានភាពសប្បាយរីករាយ ។
យ៉ាងណា បើតាមការបញ្ជាក់ខាងលើនេះ រ៉េត សារីតា គេអាចប្រាកដថា តារាស្រីរូបនេះទំនងជាមិនបោះបង់អាជីពលើវិស័យសិល្បៈរបស់នាងនាពេលនេះឡើយ បើទោះបីជានាងសម្រេចរៀបការមានគ្រួសារនាពេលនេះឡើយ ៕
ចែករំលែកព័តមាននេះ