ខេត្តសៀមរាប ៖ តាមការសន្យារបស់ឯកឧត្តម ប្រាក់ សោភ័ណ អភិបាលខេត្ត ក្រោយពីរដូវភ្លៀងបានបញ្ចប់ ផ្លូវមួយខ្សែប្រវែង២គីឡូម៉ែត្រ និងទទឹង៨ម៉ែត្រ ហៅផ្លូវតុលាការ…
ខេត្តសៀមរាប ៖ តាមការសន្យារបស់ឯកឧត្តម ប្រាក់ សោភ័ណ អភិបាលខេត្ត ក្រោយពីរដូវភ្លៀងបានបញ្ចប់ ផ្លូវមួយខ្សែប្រវែង២គីឡូម៉ែត្រ និងទទឹង៨ម៉ែត្រ ហៅផ្លូវតុលាការ ត្រូវបានក្រុមការងារបច្ចេកទេសរបស់ឯកឧត្តម សៀងណាំ តំណាងរាស្ត្រមណ្ឌលសៀមរាប ធ្វើការជួសជុលឡើងវិញកាលពីថ្ងៃទី២ ខែធ្នូ ឆ្នាំ២០២៥ ពេលនេះបានរួចរាល់ជាស្ថាពរហើយ ។
ក្រោយពីជួសជុលអស់រយៈពេល៣២ថ្ងៃ នៅថ្ងៃទី៤ ខែមករា ឆ្នាំ២០២៦ ផ្លូវក្រាលកៅស៊ូមួយខ្សែហៅផ្លូវតុលាការ ដែលមានប្រវែង២គីឡូម៉ែត្រ ទទឹង៨ម៉ែត្រ ត្រូវបានជួសជុលរួចរាល់ហើយ ដោយប្រើប្រាស់ថវិកាបដិភាគរបស់ឯកឧត្តម សៀង ណាំ តំណាងរាស្ត្រមណ្ឌលសៀមរាប និងឯកឧត្តម ប្រាក់ សោភ័ណ អភិបាលខេត្ត និងថវិកាមន្ត្រីរាជការ ព្រមទាំងប្រជាពលរដ្ឋផងដែរ ។
ឯកឧត្តម សៀង ណាំ និងឯកឧត្តម ប្រាក់ សោភ័ណ បានអញ្ជើញទៅពិនិត្យមើលការជួសជុល និងសម្រួលឱ្យបងប្អូនធ្វើដំណើរ ។
សូមបញ្ជាក់ថា រដ្ឋបាលខេត្តបានថ្លែងអំណរគុណយ៉ាងជ្រាលជ្រៅឯកឧត្តម សៀង ណាំ ដែលគិតគូរអំពីផលលំបាករបស់បងប្អូនប្រជាពលរដ្ឋនៅក្នុងខេត្ត ដោយផ្តល់ការជួសជុលផ្លូវមួយខ្សែនេះសម្រាប់បងប្អូនប្រជាពលរដ្ឋងាយស្រួលធ្វើដំណើរ ។ កន្លងមក ផ្លូវនេះមានជង្ហុកពិបាកធ្វើដំណើរនារដូវប្រាំង ឯរដូវវស្សាលិចទឹក ៕
ចែករំលែកព័តមាននេះ