រាជធានីភ្នំពេញ ៖ សហព័ន្ធកីឡាប្រដាល់គុនខ្មែរ នឹងរៀបចំការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ ចាប់ពីថ្ងៃទី២ ដល់ថ្ងៃទី៦ ខែកុម្ភៈ ឆ្នាំ២០២៦ នៅសួនច្បារមាត់ទន្លេតាខ្មៅ…
រាជធានីភ្នំពេញ ៖ សហព័ន្ធកីឡាប្រដាល់គុនខ្មែរ នឹងរៀបចំការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ ចាប់ពីថ្ងៃទី២ ដល់ថ្ងៃទី៦ ខែកុម្ភៈ ឆ្នាំ២០២៦ នៅសួនច្បារមាត់ទន្លេតាខ្មៅ ។ នេះបើយោងតាមសេចក្តីជូនដំណឹងរបស់សហព័ន្ធកីឡាប្រដាល់គុនខ្មែរ ទៅ កាន់បណ្ដា សមាគម ក្រសួង ក្លិបរាជធានី-ខេត្ត ។
ឯកឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរ បានគូសបញ្ជាក់ថា ការប្រកួតជើងឯកថ្នាក់ជាតិ ឆ្នាំ២០២៥ មិនមានអ្វីខុសប្លែកពីការរៀបចំជើងឯកថ្នាក់ជាតិ ឆ្នាំ២០២៤ ឡើយ។
ទោះបីជាយ៉ាងណាលោកសង្ឃឹមថា នឹងមានការចូលរួមច្រើនពីអត្ដពលិកស្របពេលដែលស្ថានភាពនៅព្រំដែនកម្ពុជា-ថៃ ហាក់ធូរស្រាលបន្តិច។
ក្នុងឆ្នាំ២០២៥ សហព័ន្ធបានដាក់វិញ្ញាសាចំនួន១៩ក្នុងការប្រកួត ក្នុងនោះផ្នែកបុរសមានប្រភេទទម្ងន់ ៣៥គីឡូក្រាម, ៣៧គីឡូក្រាម, ៣៩គីឡូក្រាម, ៤២គីឡូក្រាម, ៤៥គីឡូក្រាម,
៤៨គីឡូក្រាម, ៥១គីឡូក្រាម, ៥៤គីឡូក្រាម, ៥៧គីឡូក្រាម, ៦០គីឡូក្រាម និង៦៣,៥គីឡូក្រាម ។
ចំណែកផ្នែកនារី មានប្រភេទទម្ងន់៣៥គីឡូក្រាម, ៣៧គីឡូក្រាម, ៣៩គីឡូក្រាម, ៤២គីឡូក្រាម, ៤៥គីឡូក្រាម, ៤៨គីឡូក្រាម, ៥១គីឡូក្រាម និង៥៤គីឡូក្រាម។
សូមរំលឹកថា ការប្រកួតជើងឯកថ្នាក់ជាតិ ឆ្នាំ២០២៤ កាលពីអំឡុងខែកុម្ភៈ សហព័ន្ធកីឡា ប្រដាល់គុនខ្មែរ បានរៀបចំនៅភូមិអន្លង់ត្នោត ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ដោយមានអត្ដពលិកចូលរួមសរុប១៣៩នាក់ មកពី១៥សមាគម រាជធានី-ខេត្ត ៕
ចែករំលែកព័តមាននេះ