ខេត្តសៀមរាប ៖ ដោយមើលឃើញនូវការខ្វះខាត់នៅតាមមណ្ឌលសុវត្ថិភាព ពីការរស់នៅរបស់បងប្អូនប្រជាពលរដ្ឋភៀសសឹកនិង ដើម្បីជួយសម្រាលបន្ទុកជីវភាព និង បញ្ហាអនា ម័យ ជូនបងប្អូន ដែលបានជម្លៀសខ្លួន ពីបណ្ដាខេត្តជាប់តំបន់សង្គ្រាមឈ្លានពានពីកងទ័ពថៃមកកាន់ទីកន្លែងសុវត្ថិភាព ក្នុងភូមិសាស្ត្រខេត្តសៀមរាប ត្រូវបានរដ្ឋអំណាចគ្រប់ជាន់ថ្នាក់ ធ្វើការផ្គត់ផ្គង់ទឹកស្អាតការផ្តល់ជូនធុងចម្រោះនិងបង្គន់អនាម័យ ដែលសុទ្ធសឹង ជាតម្រូវការចាំបាច់របស់បងប្អូនប្រើប្រាស់ ។
ជាក់ស្តែកនៅព្រឹកថ្ងៃទី ២២ ខែ ធ្នូ ឆ្នាំ២០២៥ នេះ លោក ណម ពិសិដ្ឋ ប្រធានមន្ទីរសេដ្ឋ កិច្ច និងហិរញ្ញវត្ថុខេត្តសៀមរាប បាននាំយកបង្គន់អនាម័យចំនួន៥០បង្គន់ មកប្រគល់ជូនដល់រដ្ឋបាលខេត្តសៀមរាប ដើម្បីធ្វើការចាត់ចែងសាង់សង់បន្ទប់បង្គន់ជូនដល់បងប្អូនជន ភៀសសឹក នៅតាមមណ្ឌលដែលមានការខ្វះខាតបង្គន់អនាម័យប្រើប្រាស់ ។
លោក ណម ពិសិដ្ឋ ក៏បានលើកឡើងថា ការរស់នៅប្រចាំថ្ងៃរបស់បងប្អូនភៀសសឹក តាមមណ្ឌលសុវត្ថិភាព ជាការរស់នៅប្រមូលផ្តុំនេះ តែងតែជួបនូវបញ្ហា សុខភាព អនាម័យ និង បរិស្ថាននៅជុំវិញខ្លួន។ ដោយមើលឃើញ បញ្ហា សុខ ភាព អនាម័យនេះហើយ លោកនិងក្រុមគ្រួសារ រួមនឹងមន្ត្រីរាជការនៃមន្ទីរសេដ្ឋកិច្ច និង ហិរញ្ញវត្ថុខេត្ត បាន ផ្តល់នូវបង្គន់អនាម័យ ដល់រដ្ឋាបាលខេត្ត ដើម្បីយកទៅសាងសង់ជូននៅតាមមណ្ឌល ដែលខ្វះខាតបង្គន់អនាម័យ ប្រើ ប្រាស់ ។
ក្នុងនោះដែរ លោក យុន លីនណេ អភិបាលរងខេត្តសៀមរាប ក៏បានមាន ប្រសាសន៍កោតសរសើរនូវទឹកចិត្តរបស់ លោកណម ពិសិដ្ឋ និង សហការី ក្នុងស្មារតីខ្មែរជួយខ្មែរនិង ដើម្បីលើកកម្ពស់អនាម័យបរិស្ថាន និងជួយសម្រួលដល់ប្រជាពលរដ្ឋ ចាស់ជរា ស្ត្រីមានផ្ទៃពោះព្រមទាំង ដើម្បីធានាសុវត្ថិភាព សេចក្តីថ្លៃថ្នូរ និង.សុខមាលភាពដល់គ្រួសារដែលផ្លាស់ទីនៅមណ្ឌលសុវត្ថិភាពផងដែរ ។
បញ្ហាការបន្ទោបង់ពាសវាលពាស កាល ត្រូវបានកាត់បន្ថយតាមរយៈការសង់សង់បង្គន់អនាម័យ។ម្យ៉ាងទៀត ខេត្តសៀម រាប ជាខេត្តទី១០ ក្នុងការបញ្ចប់ការបន្ទោរបង់ពាសវាលពាសកាល នៅទូទាំងប្រទេសផងដែរ ។ ការរស់ប្រកបទៅអនាម័យ បរិស្ថានល្អ នឹង ធ្វើឱ្យសុខុមាលភាពយើងគ្រប់គ្នា គ្មានជម្ងឺ និង កាត់បន្ថយការចំណាយថវិកាទៅលើការព្យាបាលជម្ងឺទៀតផង ៕
ចែករំលែកព័តមាននេះ