ខេត្តសៀមរាប ៖ ទោះចាកចេញពីផ្ទះសម្បែង ចាកចេញឆ្ងាយពីសាលា ក៏ដោយ ប្អូនៗសិស្សានុសិស្សមិនបានបោះបង់ចោលការសិក្សា នោះទេ ។ ជាក់ស្តែង នៅថ្ងៃទី២០…
ខេត្តសៀមរាប ៖ ទោះចាកចេញពីផ្ទះសម្បែង ចាកចេញឆ្ងាយពីសាលា ក៏ដោយ ប្អូនៗសិស្សានុសិស្សមិនបានបោះបង់ចោលការសិក្សា នោះទេ ។ ជាក់ស្តែង នៅថ្ងៃទី២០ ខែធ្នូ ឆ្នាំ២០២៥ ក្នុងភូមិសាស្ត្រស្រុកសូទ្រនិគមប្អូនៗសិស្សានុសិស្សដែលបានភៀសសឹកមកស្នាក់នៅវត្តព្រះបាទ ៤ ស្ថាន និង វត្តមន្តឈាន ក្នុងសាលាពុទ្ធិកស្រុកសូទ្រនិគម ខេត្តសៀមរាប បាននឹងកំពុងសិក្សាជាមួយនឹង លោកគ្រូ អ្នកគ្រូ ស្ម័គ្រចិត្ត ដែលបានភៀសសឹកនៅទីតាំងជាមួយគ្នា។
ទោះបីមិនមានអគារសិក្សាក៏ដោយ សិស្សានុសិស្សបានរៀនសូត្រ ក្រោមដើមឈើលើកម្រាលតង់ផ្ទាល់ដី ដោយយកចិត្តទុកដាក់បំផុតពីអាជ្ញាធរ ស្រុក ខេត្ត ផងដែរ។
រដ្ឋបាលខេត្តសៀមរាប សូមថ្លែងអំណរគុណយ៉ាងជ្រាលជ្រៅចំពោះ លោកគ្រូ អ្នកគ្រូ ដែលបានឆ្លៀត ឱកាស មកបង្រៀនដល់សិស្សានុសិស្សបានរៀនសូត្របន្ត ទោះបីមិនបានសិក្សានៅក្នុងថ្នាក់ក៏ដោយ ក៏ពួកគាត់នៅតែបន្តសិក្សាបានដោយមិនបោះបង់ការសិក្សាឡើយ។
សូមបញ្ជាក់ផងដែរថា គិតមកដល់ថ្ងៃនេះសិស្សានុ សិស្សាប្រមាណជាង ៩ពាន់នាក់បានភៀសសឹក និងបានរៀនតាមសាលាសម្រាប់សិស្សថ្នាក់ធំ និងតាមបណ្តាទីតាំងវត្តអារ៉ាមដែលបងប្អូនភៀសសឹកស្នាក់នៅបច្ចុប្បន្ន៕
ចែករំលែកព័តមាននេះ