អាហារពេលព្រឹកត្រូវបានចាត់ទុកជាអាហារដ៏សំខាន់បំផុតប្រចាំថ្ងៃ ព្រោះវាជាប្រភពថាមពលដំបូងគេបន្ទាប់ពីយើងបានតមអាហារមួយយប់ ។ ការជ្រើសរើសអាហារពេលព្រឹកដែលត្រឹមត្រូវ មិនត្រឹមតែផ្តល់កម្លាំងកាយចិត្តប៉ុណ្ណោះទេ ថែមទាំងជាគន្លឹះដ៏សំខាន់ក្នុងការគ្រប់គ្រងទម្ងន់ និងមិនធ្វើឱ្យធាត់ថែមទៀតផង ។ គោលការណ៍គ្រឹះក្នុងការជ្រើសរើសអាហារពេលព្រឹកដែលមានសុខភាពល្អ និងមិនឡើងគីឡូ…
អាហារពេលព្រឹកត្រូវបានចាត់ទុកជាអាហារដ៏សំខាន់បំផុតប្រចាំថ្ងៃ ព្រោះវាជាប្រភពថាមពលដំបូងគេបន្ទាប់ពីយើងបានតមអាហារមួយយប់ ។ ការជ្រើសរើសអាហារពេលព្រឹកដែលត្រឹមត្រូវ មិនត្រឹមតែផ្តល់កម្លាំងកាយចិត្តប៉ុណ្ណោះទេ ថែមទាំងជាគន្លឹះដ៏សំខាន់ក្នុងការគ្រប់គ្រងទម្ងន់ និងមិនធ្វើឱ្យធាត់ថែមទៀតផង ។
គោលការណ៍គ្រឹះក្នុងការជ្រើសរើសអាហារពេលព្រឹកដែលមានសុខភាពល្អ និងមិនឡើងគីឡូ គឺត្រូវផ្តោតលើសមាសធាតុសំខាន់ៗចំនួន៣ ៖ ប្រូតេអ៊ីន, ជាតិសរសៃ និងខ្លាញ់ល្អ ។
១. ជម្រើសអាហារដែលសម្បូរដោយប្រូតេអ៊ីនខ្ពស់
ប្រូតេអ៊ីន គឺជាកត្តាកំណត់សំខាន់បំផុតសម្រាប់អាហារពេលព្រឹកដែលជួយសម្រកទម្ងន់ ។ ប្រូតេអ៊ីនជួយឱ្យអ្នកមានអារម្មណ៍ ឆ្អែតបានយូរ កាត់បន្ថយចំណង់អាហារសម្រន់នៅចន្លោះពេល និងជួយបង្កើនការដុតបំផ្លាញកាឡូរី ផងដែរ។
–ស៊ុត ជាប្រភពប្រូតេអ៊ីនដ៏ល្អឥតខ្ចោះ និងសម្បូរដោយវីតាមីន។ ការសិក្សាជាច្រើនបានបង្ហាញថា អ្នកដែលញ៉ាំស៊ុតនៅពេលព្រឹក ទំនងជាស្រកទម្ងន់បានច្រើនជាងអ្នកដែលញ៉ាំនំប៉័ង។ អាចបរិភោគជាស៊ុតស្ងោរ ស៊ុតចៀនជាមួយប្រេងអូលីវតិចតួច ឬស៊ុតអូឡេត (Omelet) ជាមួយបន្លែស្រស់។
–យ៉ាអួរធម្មតា : ទឹកដោះគោជូរប្រភេទនេះមានប្រូតេអ៊ីនខ្ពស់ជាងយ៉ាអួរធម្មតាស្ទើរតែទ្វេដង។ គួរជ្រើសរើសប្រភេទ មិនមានជាតិស្ករ (Plain) រួចថែមផ្លែឈើស្រស់ និងគ្រាប់ធញ្ញជាតិបន្តិចបន្តួចដោយខ្លួនឯង។
–សាច់គ្មានខ្លាញ់: សាច់មាន់គ្មានស្បែក ឬត្រីតិចតួច ដែលបន្ថែមក្នុងបបរអង្ករសម្រូប ឬគុយទាវ គឺល្អជាងការបរិភោគសាច់ដែលមានខ្លាញ់ ឬសាច់កែច្នៃ ។
២. ជម្រើសអាហារដែលសម្បូរដោយ ជាតិសរសៃ
ជាតិសរសៃជួយដល់ប្រព័ន្ធរំលាយអាហារដំណើរការល្អ ជួយគ្រប់គ្រងកម្រិតជាតិស្ករក្នុងឈាម និងធ្វើឱ្យយើងឆ្អែតបានយូរ ដែលកាត់បន្ថយការញ៉ាំច្រើនហួសហេតុ។
–អូតមីល (Oatmeal): គឺជាជម្រើសដ៏ល្អបំផុតមួយ ដោយសារវាមានផ្ទុកនូវ Beta-Glucan ដែលជាប្រភេទជាតិសរសៃដែលអាចរលាយក្នុងទឹក ជួយកាត់បន្ថយកូឡេស្តេរ៉ុល និងរក្សាការឆ្អែត។ គួរជ្រើសរើសអង្ករ Oat ធម្មតា (Rolled Oats ឬ Steel-cut Oats) ជំនួសឱ្យប្រភេទភ្លាមៗ (Instant Oats) ដែលមានជាតិស្ករខ្ពស់។
–នំប៉័ងគ្រាប់ធញ្ញជាតិទាំងមូល (Whole-Grain Bread): ជំនួសនំប៉័ងស (White Bread) ដោយនំប៉័ងដែលមានគ្រាប់ធញ្ញជាតិទាំងមូល ។ អាចបរិភោគជាមួយផ្លែប័រ (Avocado) ឬស៊ុត។
–ផ្លែឈើ និងបន្លែ៖ បន្ថែមផ្លែឈើដូចជា ផ្លែប៉ោម ប៊ឺរី ឬចេក ទៅក្នុងយ៉ាអួរ ឬ Oatmeal ។ បន្លែស្រស់ៗ (ប៉េងប៉ោះ ស្ពៃ) ក៏គួរតែបញ្ចូលក្នុងអាហារពេលព្រឹកដែរ ។
៣. អាហារដែលផ្តល់ ខ្លាញ់ល្អ
ខ្លាញ់ល្អ ដូចជា ខ្លាញ់មិនឆ្អែត (Unsaturated Fats) មានសារៈសំខាន់សម្រាប់សុខភាពខួរក្បាល និងបេះដូង ហើយថែមទាំងជួយឱ្យយើងឆ្អែតយូរ។
–គ្រាប់ធញ្ញជាតិ និងគ្រាប់ (Nuts and Seeds): ដូចជា គ្រាប់ឈៀ (Chia Seeds) គ្រាប់អាល់ម៉ុន (Almonds) ឬវ៉ាល់ណាត់ (Walnuts)។ អាចបន្ថែមក្នុងយ៉ាអួរ ឬ Oatmeal។
–ផ្លែប័រ (Avocado): មានជាតិខ្លាញ់ Monounsaturated Fat ខ្ពស់ ដែលល្អសម្រាប់បេះដូង។ អាចលាបលើនំប៉័ងគ្រាប់ធញ្ញជាតិទាំងមូល។
ចែករំលែកព័តមាននេះ