រាជធានីភ្នំពេញ ៖ អ្នកនាំពាក្យក្រសួងការពារជាតិបានបញ្ជាក់ថា យោធាថៃបានប្រើប្រាស់យន្តហោះចម្បាំង F-16 ហោះលើភូមិសាស្ត្រ ឃុំអូរបីជាន់ និងហោះលើរង្វង់មូលស្ទឹងបត់ ចំនួន២លើក ហើយបានទម្លាក់គ្រាប់បែកនៅភូមិស្លរក្រាម…
រាជធានីភ្នំពេញ ៖ អ្នកនាំពាក្យក្រសួងការពារជាតិបានបញ្ជាក់ថា យោធាថៃបានប្រើប្រាស់យន្តហោះចម្បាំង F-16 ហោះលើភូមិសាស្ត្រ ឃុំអូរបីជាន់ និងហោះលើរង្វង់មូលស្ទឹងបត់ ចំនួន២លើក ហើយបានទម្លាក់គ្រាប់បែកនៅភូមិស្លរក្រាម ស្រុកស្វាយចេក ។
លោក ជំទាវ ម៉ាលី សុជាតា អ្នកនាំពាក្យក្រសួងការពារជាតិ បានឲ្យដឹងថា ស្ថានការណ៍នៅតាមបន្ទាត់ព្រំដែនកម្ពុជា-ថៃ អំពីករណីយោធាថៃ បានធ្វើសកម្មភាព និងបើកការបាញ់ប្រហារមកក្នុងដែនអធិបតេយ្យស្របច្បាប់របស់កម្ពុជា នៅក្នុងភូមិសាស្ត្រយោធភូមិភាគទី៥ ខេត្តបន្ទាយមានជ័យ នៅព្រឹកថ្ងៃទី១០ ខែធ្នូ ឆ្នាំ២០២៥ មាន ៖
-នៅវេលាម៉ោង៩:៤៥នាទី យោធាថៃបានប្រើប្រាស់យន្តហោះចម្បាំង F-16 ហោះលើភូមិសាស្ត្រ ឃុំអូរបីជាន់ និងភូមិសាស្ត្រប៉ោយប៉ែត ។
-នៅវេលាម៉ោង៩:៥០នាទី យោធាថៃបានប្រើប្រាស់យន្តហោះចម្បាំង F-16 បានហោះលើរង្វង់មូលស្ទឹងបត់ ចំនួន២លើក ភូមិសាស្ត្រប៉ោយប៉ែត ។
-នៅវេលាម៉ោង៩:៥០នាទី យោធាថៃបានប្រើប្រាស់យន្តហោះចម្បាំង F-16 និងបានហោះបានទម្លាក់គ្រាប់ចំនួន២គ្រាប់ ក្នុងទីតាំងភូមិសាស្ត្រ ភូមិស្លរក្រាម ឃុំស្លរក្រាម ស្រុកស្វាយចេក ខេត្តបន្ទាយមានជ័យ ៕
ចែករំលែកព័តមាននេះ