ការជួយសង្គ្រោះជនភៀសសឹក! ពលរដ្ឋជាង ១០ម៉ឺននាក់ ភៀសខ្លួនចោលផ្ទះសម្បែង
រាជធានីភ្នំពេញ ៖ ក្រសួងការពារជាតិ បានថ្លែងនាព្រឹកថ្ងៃទី១០ ខែធ្នូ ឆ្នាំ២០២៥នេះថា ៖ ដោយសារការឈ្លានពានពីយោធាថៃ ចាប់តាំងពីថ្ងៃទី៧ ខែធ្នូ…
រាជធានីភ្នំពេញ ៖ ក្រសួងការពារជាតិ បានថ្លែងនាព្រឹកថ្ងៃទី១០ ខែធ្នូ ឆ្នាំ២០២៥នេះថា ៖ ដោយសារការឈ្លានពានពីយោធាថៃ ចាប់តាំងពីថ្ងៃទី៧ ខែធ្នូ ឆ្នាំ២០២៥ និងគិតមកត្រឹមថ្ងៃទី០៩ ខែធ្នូ ឆ្នាំ២០២៥ មានជនភៀសសឹកកម្ពុជាចំនួន២៩១០៥គ្រួសារ ស្មើនឹង១០១ ១២៩នាក់ បានភៀសខ្លួន ចេញពីលំនៅដ្ឋាននៅតាមបណ្ដោយព្រំដែនកម្ពុជា-ថៃ ។
ក្រសួងការពារជាតិ បានបន្តថា កម្ពុជាសម្រេចចិត្តការពារអធិបតេយ្យភាព និងបូរណភាពទឹកដី ដោយបាញ់តបតវិញ ហើយផ្តោតតែលើគោលដៅយោធាថៃប៉ុណ្ណោះ មិនសំដៅគោលដៅជនស៊ីវិល ឬកន្លែងស៊ីវិលណាមួយឡើយ ។
សូមបញ្ជាក់ថា សេចក្តីប្រកាសនេះ បានបង្ហាញឱ្យឃើញពីជំហររឹងមាំរបស់រាជរដ្ឋាភិបាល និងកងទ័ពកម្ពុជា ក្នុងការការពារទឹកដីគ្រប់មួយមីលីម៉ែត្រ ។
ទន្ទឹមនឹងការប្រយុទ្ធនៅសមរភូមិមុខ រាជរដ្ឋាភិបាលក៏កំពុងយកចិត្តទុកដាក់ខ្ពស់លើការជួយសង្គ្រោះ និងផ្គត់ផ្គង់ស្បៀងអាហារ ដល់បងប្អូនប្រជាពលរដ្ឋ ដែលកំពុងរងគ្រោះផងដែរ ។
ស្ថានការណ៍នេះទាមទារឱ្យមានការរួបរួមជាតិជាធ្លុងមួយ ដើម្បីគាំទ្រដល់កងកម្លាំងជួរមុខ និងជួយសម្រាលទុក្ខលំបាករបស់ជនភៀសសឹក ខណៈដែលកម្ពុជាបន្តឈរលើគោលការណ៍យុត្តិធម៌ និងការការពារជាតិមាតុភូមិ ៕
ចែករំលែកព័តមាននេះ