ជនភៀសសឹកជាង១ពាន់គ្រួសារ ត្រូវបានជម្លៀសចេញពីទីតាំងផ្សេងៗគ្នា មកកាន់ទីទួលសុវត្ថិភាពក្នុងខេត្តសៀមរាប
- សៀមរាប
ខេត្តសៀមរាប ៖ បើតាមរបាយការណ៍ពីរដ្ឋបាលខេត្តសៀមរាប បានឱ្យដឹងថា គិតត្រឹមម៉ោង ១រសៀល ថ្ងៃទី ៨ ខែធ្នូ ឆ្នាំ២០២៥ …
ខេត្តសៀមរាប ៖ បើតាមរបាយការណ៍ពីរដ្ឋបាលខេត្តសៀមរាប បានឱ្យដឹងថា គិតត្រឹមម៉ោង ១រសៀល ថ្ងៃទី ៨ ខែធ្នូ ឆ្នាំ២០២៥ បងប្អូនជនភៀសសឹក បានជម្លៀសមកពីទីតាំងផ្សេងៗគ្នា បានចូលរកទីតាំងសុវត្ថិភាពក្នុងខេត្តសៀមរាប មានចំនួន ១,៤០១ គ្រួសារ ស្មើនិង៣,៧២៥នាក់ នៅតាមបណ្ដា ក្រុង ស្រុក ទូទាំងខេត្តសៀមរាប ក្រោមការយកចិត្តទុកដាក់ខ្ពស់ពីថ្នាក់ដឹកនាំខេត្ត អាជ្ញាធរមូលដ្ឋាន និងមន្ត្រីពាក់ព័ន្ធ។
ក្នុងនោះ រដ្ឋបាលខេត្តសៀមរាប បានត្រៀមទីតាំង នៅតាមបណ្តា ក្រុង ស្រុក ទាំង ១៣ ស្មើនិង៦៥ទីតាំង ដើម្បីត្រៀមទទួល បងប្អូនជនភៀសសឹក មកពីតាមបណ្តាខេត្តជាប់ព្រំដែនកម្ពុជាថៃ។
សូមបញ្ជាក់ថា ចាប់ពីវេលាម៉ោងប្រមាណ ៥ ព្រឹកថ្ងៃទី៨ ខែធ្នូ ឆ្នាំ២០២៥ យោធាថៃបានបើកការបាញ់ប្រហារមកលើកងកម្លាំងកម្ពុជា និង ជនស៊ីវិល នៅតំបន់ព្រំដែន បណ្តាលឱ្យ យោធា ស្លាប់ ម្នាក់ និង របួសប្រជាពលរដ្ឋ ជាច្រើន នាក់ ហើយបានធ្វើឱ្យប្រជាពលរដ្ឋរស់នៅតំបន់នោះជម្លៀស ចេញពីលំនៅឋានភ្លាម ៗ ដើម្បីធានាបានសុខសុវត្ថិភាព ។
ក្នុងនោះដែរនាថ្ងៃទី៨ ខែធ្នូ ឆ្នាំ២០២៥ ឃើញមានវត្តមាន ឯកឧត្តម ប្រាក់ សោភ័ណ អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្ដសៀម រាប.បានដឹកនាំក្រុមការងារចុះសួរសុខទុក្ខ ត្រួតពិនិត្យប៉ុស្តិ៍សុខភាព និងកន្លែងស្នាក់នៅបណ្តោះអាសន្នជូនបងប្អូនប្រជាពលរដ្ឋដែលបានភៀសសឹកពីតំបន់សមរ ភូមិមកទីតាំងសុវត្ថិ ភាព ដែលរៀបចំដោយរដ្ឋបាលខេត្ត នៅវត្តប្រាសាទបូទុមមោង ស្ថិតនៅភូមិមោងខាងត្បូង ឃុំមោង ស្រុកស្រីស្នំ ខេត្តសៀមរាប។
ឯកឧត្តម អភិបាល ខេត្តបានណែនាំដល់រដ្ឋបាលក្រុង ស្រុកទាំង អស់ត្រូវរៀបចំកន្លែងស្នាក់នៅ ថែទាំសុខភាព និងផ្គត់ផ្គង់ស្បៀងឱ្យបានគ្រប់គ្រាន់ដល់បងប្អូនជនភៀសសឹកដែលមកស្នាក់នៅក្នុងខេត្តរបស់យេីង ចៀសវាងមានការខ្វះខាត។
ជាមួយគ្នានេះ សូមរដ្ឋបាល ក្រុង ស្រុក ត្រូវចិត្តទុកដាក់ខ្ពស់ចំពោះសុខភាព និងអនាម័យបរិស្ថានឱ្យបានល្អចៀសវាងមានជំងឺឆ្លងដោយប្រការណាមួយ។ ឯកឧត្តម អភិបាលខេត្តក៏បានជម្រាបដល់បងប្អូនជនភៀសសឹកទាំងអស់មានបញ្ហាអ្វីកេីតឡេីងសូមរាយការណ៍ទៅក្រុមការងារ ក្រុង ស្រុក ដែលបានប្រចាំការនៅទីតាំងសុវត្ថិភាពរបស់បងប្អូន ចៀសវាងមានការខ្វះខាតណា មួយដែលក្រុមការងារមិនបានដឹង និងសូមបងប្អូនថែទាំសុខភាព ឱ្យបានល្អ ព្រមទាំងជឿទុក ចិត្តរាជរដ្ឋាភិបាលក្នុងការដោះស្រាយរាល់បញ្ហាដែលបានកេីតឡេីងនៅតាមបន្ទាត់ព្រំដែនេះ ។
ឯកឧត្តម ប្រាក់ សោភ័ណ បានចាត់ឯកឧត្តម គុជ លីណា អនុប្រធានងចិន្ត្រៃយ៍គណៈកម្មាធិ ការសាខា ចុះពិនិត្យទីតាំងសុវត្ថិ ភាពនៅតាមស្រុកមួយ ចំនួន ដើម្បីត្រៀម និងទទួលគ្រួសារភៀសសឹកពីតំបន់ព្រំដែនកម្ពុជា-ថៃ ដែលកំពុងមានជម្លោះសារជាថ្មី។
សូមបញ្ជាក់ផងដែរថា ទីតាំងសុវតិ្ថភាពដែលមានចុះពិនិត្យរួមមាន៖ ១- ស្រុកវ៉ារិន៖ – វត្តស្រែណូយ – វត្តទួលព្រះពុទ្ធ- វត្តអូររំចេក ។ ២- ស្រុកអង្គរជុំ៖ – វត្តចារឈូករង្សី – វត្ត គោល ។ ៣- ស្រុកស្រីស្នំ៖ – វត្តមោង – វត្តជ្រោយ នាងងួន ។ ៤- ស្រុកក្រឡាញ់៖ – វត្តបូណ៌ខ្នារតេជោ – វត្តសំពៅលូន – វត្តភ្នំទ្រង់បាត – វត្តសែនសុខ – វត្តអូរជុំបន្ទាយជ័យរង្សី – វត្តស្រណាល- សាលាឆទានភូមិសន្ថន់ ។ ៥- ស្រុកពួក៖ – វត្តព្រៃជ្រូក – វត្តសសរ ស្ដម្ភ ។ ថ្ងៃនេះ បង ប្អូនប្រជាពលរដ្ឋភៀសសឹក បានមកដល់ និងស្នាក់នៅតាមទីតាំងសុវត្ថិភាពសរុបចំនួន ១,៤០១គ្រួសារ ស្មើនឹង ៣,៧២៥នាក់ រួចរាល់ហើយ ផងដែរ ៕
ចែករំលែកព័តមាននេះ