ខេត្តកណ្តាល ៖ ដើម្បីធានាបាននូវភាពសុខដុមរមនា និងការរស់នៅដោយការគោរពគ្នាទៅវិញទៅមកនៅក្នុងមូលដ្ឋាន អធិការដ្ឋាននគរបាលក្រុងតាខ្មៅ បានចេញសេចក្តីប្រកាសក្រើនរំលឹកមួយ ដល់បងប្អូនប្រជាពលរដ្ឋពាក់ព័ន្ធនឹងសកម្មភាពកម្សាន្តសប្បាយ ការហូបចុក និងការច្រៀងរាំ ។…
ខេត្តកណ្តាល ៖ ដើម្បីធានាបាននូវភាពសុខដុមរមនា និងការរស់នៅដោយការគោរពគ្នាទៅវិញទៅមកនៅក្នុងមូលដ្ឋាន អធិការដ្ឋាននគរបាលក្រុងតាខ្មៅ បានចេញសេចក្តីប្រកាសក្រើនរំលឹកមួយ ដល់បងប្អូនប្រជាពលរដ្ឋពាក់ព័ន្ធនឹងសកម្មភាពកម្សាន្តសប្បាយ ការហូបចុក និងការច្រៀងរាំ ។
ជាក់ស្តែង អធិការដ្ឋាននគរបាលក្រុងតាខ្មៅ បានប្រកាសនាយប់ថ្ងៃទី០៧ ខែធ្នូ ឆ្នាំ២០២៥នេះថា ៖ ការហូបចុកច្រៀងលេងសប្បាយ គឺសិទ្ធរបស់បងប្អូនតែសូមអោយមានការកំណត់សូមកុំអោយការសប្បាយនេះនាំអោយប៉ះពាល់និងរំខានអារម្មណ៍អ្នកជិតខាង ។
អធិការដ្ឋាននគរបាលក្រុងតាខ្មៅ បានបញ្ជាក់ថា បងប្អូនមានសិទ្ធិរបស់បងប្អូន ប៉ុន្តែសមត្ថកិច្ចក៏មានសិទ្ធិរក្សានូវសណ្តាប់ធ្នាប់សារធារណៈក្នុងសង្គមដែរ ។
សូមបញ្ជាក់ថា សារនេះចង់ដាស់តឿនថា «សូមសប្បាយចុះ តែសូមសប្បាយដោយការទទួលខុសត្រូវ»។ ការសប្បាយដែលមានការយោគយល់ និងការគោរពគ្នាទៅវិញទៅមក នឹងនាំមកនូវភាពសុខដុមរមនាទាំងគ្រួសារយើង និងទាំងអ្នកជិតខាង ហើយក៏មិនបង្កជាបញ្ហាដល់អាជ្ញាធរដែរ ៕
ចែករំលែកព័តមាននេះ