ខេត្តបាយដំបង ៖ មុខសញ្ញាក្រុមចោរប្លន់ម្នាក់ ដែលមានសំណាងរត់រួចផុតពីកណ្ដាប់ដៃកម្លាំងកងរាជអាវុធហត្ថកាលព៉ុន្មានសប្ដាហ៍មុន ពេលនេះ ជននេះបានរត់ចូលអន្ទាក់កងរាជអាវុធហត្ថដោយខ្លួនឯង នៅម៉ោងប្រហែល០៨ព្រឹកថ្ងៃទី០៦ ធ្នូ នៅម្ដុំអនុវិទ្យាល័យសោហឺ ស្ថិតក្នុងភូមិព្រែកមហាទេព…
ខេត្តបាយដំបង ៖ មុខសញ្ញាក្រុមចោរប្លន់ម្នាក់ ដែលមានសំណាងរត់រួចផុតពីកណ្ដាប់ដៃកម្លាំងកងរាជអាវុធហត្ថកាលព៉ុន្មានសប្ដាហ៍មុន ពេលនេះ ជននេះបានរត់ចូលអន្ទាក់កងរាជអាវុធហត្ថដោយខ្លួនឯង នៅម៉ោងប្រហែល០៨ព្រឹកថ្ងៃទី០៦ ធ្នូ នៅម្ដុំអនុវិទ្យាល័យសោហឺ ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ។
ភ្លាមៗ សមត្ថកិច្ចមិនទាន់ប្រាប់ឈ្មោះជនសង្ស័យម្នាក់នេះទេ តែបាននាំខ្លួនជននេះ ទៅកាន់ការិយាល័យជុះនាញនៃទីបញ្ជាការកងរាជអាវុធហត្ថខេត្ត ដើម្បីសួរនាំហើយ ។ នៅក្នុងឃ្លីបវីដេអូខ្លីមួយដែលប្រជាពលរដ្ឋថតបានពេលប្រទាញប្រទង់គ្នា ជាមួយសមត្ថកិច្ចស្លៀកពាក់ស៊ីវិល គេឃើញកម្លាំងប៉េអឹមក្នុងឯកសណ្ឋានស៊ីវិលដួលជាមួយនឹងម៉ូតូ ខណ:ដៃច្បាមចាប់ដៃជនសង្ស័យ ដែលព្យាយាមរើបំរះរត់។ ក្នុងខណ:នោះ ជនសង្ស័យដែលស្លៀកពាក់ពណ៌ខ្មៅបានរើបំរះរួចពីកណ្ដាប់ដៃប៉េអឹម ហើយព្យាយាមរត់យ៉ាងលឿន តែចៃដន្យទៅជាប់អន្ទាក់កម្លាំងប៉េអឹមម្នាក់ទៀតដែលស្ទាក់ចាំស្រេចកន្ត្រប់ជាប់ល្មម ។
លោក សូ ឌី ប្រធានមន្ទីរស្រាវជ្រាវ និងបង្ក្រាបបទល្មើសបានផ្ដល់ព័ត៌មានបឋមថា ជនសង្ស័យដែលឃាត់ខ្លួនព្រឹកមិញនេះ ជាមុខសញ្ញាក្រុមចោរ«ប្លន់»ម៉ូតូ។ លោកបានបញ្ជាក់ថា ក្រុមនេះ មានបក្សពួកច្រើននាក់ ធ្លាប់ធ្វើសកម្មភាពប្លន់យកម៉ូតូគេច្រើនករណីហើយ ។ ជាចុងក្រោយ ក្នុងអំឡុងខែវិច្ឆិកាកន្លងទៅនេះ ក្រុមនេះ បានធ្វើសកម្មភាពប្លន់យកម៉ូតូគេនៅក្នុងព្រលានយន្តហោះបែកចាន ក្នុងក្រុងបាត់ដំបង ហើយត្រូវកម្លាំងជំនាញតាមចាប់ខ្លួនបានប៉ុន្មាននាក់រួចហើយ នៅឡើងម្នាក់ខាងលើនេះរត់រួច ។
លោក សូ ឌី បានបញ្ជាក់ថា ក្រោយរត់គេចខ្លួន កម្លាំងជំនាញបានតាមដានសកម្មភាពមុខសញ្ញាចោរប្លន់ម្នាក់នេះជាប់រហូត។ កាលព្រឹកថ្ងៃទី ០៦ ធ្នូ នេះ ជននេះបានបង្ហាញមុខនៅក្នុងបរិវេណអនុវិទ្យាល័យសោហឺ ទើបកម្លាំងជំនាញពង្រាយអន្ទាក់ចាប់តែម្ដង ។
បើតាមការស្រាវជ្រាវក្រុមនេះ បានធ្វើសកម្មភាពប្លន់ម៉ូតូជាច្រើនករណីហើយ ហើយកម្លាំងជំនាញក៏ឃាត់ខ្លួនក្រុមជនសង្ស័យនេះជាបន្តបម្ទាប់បានច្រើននាក់ហើយដែរ ក្រោមការបញ្ជាផ្ទាល់ពីលោកមេបញ្ជាការខេត្ត ។ ពេលនេះ មន្ត្រីជំនាញកំពុងសួរនាំជនសង្ស័យ ដើម្បីស្រាវជ្រាវរកបទល្មើសដែលពួកគេបានប្រព្រឹត្ត និងតាមចាប់បក្សពួកបន្តទៀតដែលកំពុងគេចខ្លួន ៕
ចែករំលែកព័តមាននេះ