ខេត្តស្វាយរៀង ៖ សមត្ថកិច្ចជលផលស្ទាក់ចាប់រថយន្ត០៣គ្រឿងដែលឈ្មួញដឹកលៀសរាប់តោនបម្រុងឆ្លងដែនទៅប្រទេសវៀតណាមដោយខុសច្បាប់ហើយបាននាំយកលៀសទាំង០៣រថយន្ត ទៅលែងនៅទន្លេមេគង្គអ្នលលឿង។ករណីនេះបានកើតឡើងនៅព្រឹកថ្ងៃទី៣ ធ្នូ ឆ្នាំ២០២៥ នៅចំណុចភូមិឈើទាល ឃុំឈើទាល ស្រុកស្វាយជ្រំ ។…
ខេត្តស្វាយរៀង ៖ សមត្ថកិច្ចជលផលស្ទាក់ចាប់រថយន្ត០៣គ្រឿងដែលឈ្មួញដឹកលៀសរាប់តោនបម្រុងឆ្លងដែនទៅប្រទេសវៀតណាមដោយខុសច្បាប់ហើយបាននាំយកលៀសទាំង០៣រថយន្ត ទៅលែងនៅទន្លេមេគង្គអ្នលលឿង។ករណីនេះបានកើតឡើងនៅព្រឹកថ្ងៃទី៣ ធ្នូ ឆ្នាំ២០២៥ នៅចំណុចភូមិឈើទាល ឃុំឈើទាល ស្រុកស្វាយជ្រំ ។
បើតាមមន្ត្រីជល់ផលនៃមន្ទីរកសិកម្មរុក្ខាប្រម៉ាញ់និងនេសាទខេត្តស្វាយរៀងបានឲ្យដឹងថា ការចុះបង្ក្រាបនេះគឺអនុវត្តតាមបទបញ្ជាពីឯកឧត្តមអគ្គនាយកដ្ឋានជល់ផលនៃក្រសួងកសិកម្មរុក្ខាប្រម៉ាញ់និងនេសាទ សហការជាមួយស្ថាបន័ពាក់ពន្ធ័បង្ក្រាបនិងទប់ស្កាត់ការនាំ បទល្មើសជល់ផល (លៀស)ដោយខុសច្បាប់ ចេញទៅប្រទេសជិតខាង។
ប្រភពបន្តថា ប្រតិបត្តិការនេះបានស្ទាក់ឃាត់ចាប់រថយន្តធូរីសកែឆ្នៃចំនួន០៣គ្រឿងបានដឹកលៀសពីខេត្តពោធិសាត់ឆ្ពោះមកខេត្តស្វាយរៀងក្នុងគោលបំណងឆ្លងដែនទៅប្រទេសវៀតណាមដោយខុសច្បាប់ ក៏ត្រូវក្រុមការងារជល់ផលទាក់ចាប់បាននៅឃុំឈើទាលស្រុកស្វាយជ្រំ ។ បន្ទាប់ពីឃាត់រថយន្តបទល្មើសជលផលនេះក៏បាននាំយកលៀសនៅក្នុងរថយន្តទាំង៣គ្រឿងទៅលែងនៅក្នុងទន្លេមេគង្គ ត្រង់ចំណុចឃុំអ្នកលឿងស្រុកពាមរក៏ខេត្តព្រៃវែង រួចនាំយករថយន្តដឹកបទល្មើសជល់ផលទាំង៣គ្រឿងរួមទាំងម្ចាស់រថយន្យមកប្រគល់ឲ្យលោកព្រះរាជអាជ្ញាអមសាលាដំបូងខេត្តស្វាយរៀងចាត់ការតាមនីតិវិធី។
ករណីនេះដែរ មហាជនកំពុងតាមដានមើលថាតើអ្នកបើកបររថយន្តនិងឈ្មួញម្ចាស់លៀសមានវាសនាយ៉ាងណា? ឬគ្រាន់តែផាកពិន័យនិងឃាត់តែរថយន្តទុក សូមរង់ចាំព័ត៌មានលម្អិតនៅពេលក្រោយ ៕
ចែករំលែកព័តមាននេះ