ខេត្តព្រះសីហនុ ៖ លោក ផន រឹម បានចេញសេចក្តីជូនដំណឹងជាសាធារណៈមួយ នៅលើបណ្តាញសង្គមហ្វេសប៊ុក ដោយបានបង្ហាញពីចំណាត់ការរបស់សមត្ថកិច្ច ទៅលើរថយន្តដឹកទំនិញមួយគ្រឿង ដែលផ្ទុកទំនិញជ្រុះលើផ្លូវល្បឿនលឿន…
ខេត្តព្រះសីហនុ ៖ លោក ផន រឹម បានចេញសេចក្តីជូនដំណឹងជាសាធារណៈមួយ នៅលើបណ្តាញសង្គមហ្វេសប៊ុក ដោយបានបង្ហាញពីចំណាត់ការរបស់សមត្ថកិច្ច ទៅលើរថយន្តដឹកទំនិញមួយគ្រឿង ដែលផ្ទុកទំនិញជ្រុះលើផ្លូវល្បឿនលឿន ។
ជាក់ស្តែង លោកផន រឹម អ្នកនាំពាក្យក្រសួងសាធារណការ និងដឹកជញ្ជូន បានប្រកាសនៅលើបណ្តាញសង្គម នាព្រឹកថ្ងៃទី០៤ ខែធ្នូ ឆ្នាំ២០២៥នេះថា ៖ ជម្រាបជូនសាធារណជន និងអ្នកធ្វើដំណើរ លើផ្លូវល្បឿនលឿនភ្នំពេញ-ព្រះសីហនុ មេត្តាជ្រាបថា នៅថ្ងៃទី៣ ខែធ្នូ ឆ្នាំ២០២៥ វេលាម៉ោង១៨:៤៦នាទី ក្រុមការងារក្រុមហ៊ុន សហការជាមួយនគរបាលប្រចាំផ្លូវល្បឿនលឿន បានឃាត់រថយន្ត ដែលផ្ទុកទំនិញជ្រុះលើផ្លូវល្បឿនលឿន ធ្វើកិច្ចសន្យាអប់រំណែនាំ និងពិន័យតាមច្បាប់ស្តីពីចរាចរណ៍ផ្លូវគោករួចរាល់ ។
បញ្ជាក់ ៖ រថយន្តនេះ បានចូលមកផ្លូវល្បឿនលឿន នៅច្រកស្ទឹងហាវPk172 មកចេញនៅច្រកស្រែអំបិល PK135 ។
សូមបញ្ជាក់ថា ករណីនេះ គឺជាសារដាស់តឿន ដល់បងប្អូនអ្នកដឹកជញ្ជូនទាំងអស់ សូមមេត្តាពិនិត្យមើលលក្ខណៈបច្ចេកទេសយានយន្ត និងការវេចខ្ចប់ទំនិញឱ្យបានត្រឹមត្រូវ និងរឹងមាំបំផុត មុននឹងចូលប្រើប្រាស់ផ្លូវល្បឿនលឿន ។ ការធ្លាក់ទំនិញនៅពេលយានយន្តកំពុងបើកបរក្នុងល្បឿនលឿន អាចបង្កជាគ្រោះថ្នាក់ចរាចរណ៍ធ្ងន់ធ្ងរ ឬសោកនាដកម្មដល់អាយុជីវិតអ្នកដទៃបានគ្រប់វិនាទី ៕
ចែករំលែកព័តមាននេះ