ដាក់ឱ្យប្រើប្រាស់ជាផ្លូវការ អគារសិក្សាថ្មី ១ខ្នង ៤បន្ទប់ នៅសាលាបឋមសិក្សាប្រាសាទខ្នា
ខេត្តព្រះវិហារ ៖ នៅព្រឹកថ្ងៃទី០១ ខែធ្នូ ឆ្នាំ២០២៥ លោក គីម រិទ្ធី អភិបាល នៃគណៈអភិបាលខេត្តព្រះវិហារ…
ខេត្តព្រះវិហារ ៖ នៅព្រឹកថ្ងៃទី០១ ខែធ្នូ ឆ្នាំ២០២៥ លោក គីម រិទ្ធី អភិបាល នៃគណៈអភិបាលខេត្តព្រះវិហារ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវ អគារសិក្សាថ្មី ១ខ្នង មាន ៤បន្ទប់ រួមជាមួយសមិទ្ធផលនានា នៅសាលាបឋមសិក្សាប្រាសាទខ្នារ ស្ថិតក្នុងភូមិស្វាយ ឃុំរណសិរ្ស ស្រុកសង្គមថ្មី ។
អគារសិក្សាថ្មីនេះ គឺជាអំណោយដ៏ថ្លៃថ្លារបស់ក្រុមហ៊ុនម៉ាឃីតត្រាស់ (Market Trust Co., Ltd) ដែលមានតម្លៃប្រមាណជាង ៦ម៉ឺនដុល្លារអាមេរិក តាមរយៈអង្គការជប៉ុន សាងសង់សាលារៀនឲ្យកុមារ (JHP) ដើម្បីចូលរួមចំណែកលើកកម្ពស់វិស័យអប់រំ និងផ្តល់ទីកន្លែងសិក្សាសមរម្យ ដល់សិស្សានុសិស្សនៅក្នុងតំបន់ ។
អគារសិក្សានេះ បានចាប់ផ្តើមសាងសង់កាលពីថ្ងៃទី០៧ ខែកក្កដា ឆ្នាំ២០២៥ និងរួចរាល់ជាស្ថាពរនៅថ្ងៃទី១៨ ខែវិច្ឆិកា ឆ្នាំ២០២៥ ។
ថ្លែងក្នុងឱកាសនោះ លោក គឹម រឹទ្ធី អភិបាលខេត្ត បានសម្តែងនូវការអបអរសាទរយ៉ាងកក់ក្តៅ និងបានថ្លែងអំណរគុណយ៉ាងជ្រាលជ្រៅចំពោះទឹកចិត្តសប្បុរសធម៌របស់ក្រុមហ៊ុនម៉ាឃីតត្រាស់ និងអង្គការ JHP ដែលបានលះបង់ធនធានផ្ទាល់ខ្លួន ដើម្បីជួយកសាងសមិទ្ធផលដ៏មានតម្លៃនេះ សម្រាប់ជាប្រយោជន៍ដល់កូនចៅជំនាន់ក្រោយ ។
លោកបានចាត់ទុកកាយវិការនេះថា ជាគំរូដ៏ល្អ នៃការចូលរួមរបស់វិស័យឯកជន ក្នុងការអភិវឌ្ឍធនធានមនុស្ស និងលើកកម្ពស់គុណភាពអប់រំនៅក្នុងខេត្តព្រះវិហារ ៕
ចែករំលែកព័តមាននេះ