រាជធានីភ្នំពេញ ៖ ជនសង្ស័យម្នាក់បានចូលទៅកន្លែងការដ្ឋានសំណង់មួយកន្លែង ហើយបានទាញជើងស្ត្រីម្នាក់កំពុងដេក ធ្វើឲ្យផ្អើលឆោឡោ ស្រាប់តែជនសង្ស័យយកដំបងទីបវាយត្រូវបុរសម្នាក់ រួចយកចំពាមកៅស៊ូបាញ់គេថែម ត្រូវបានអ្នកនៅក្នុងការដ្ឋានដេញតាមចាប់បានប្រគល់អោយសមត្ថកិច្ចឆែកឆេររកឃើញម្សៅក្រាមសថ្លា៣កញ្ចប់តូចបន្ថែមទៀត ។ ហេតុការណ៍ខាងលើនេះ…
រាជធានីភ្នំពេញ ៖ ជនសង្ស័យម្នាក់បានចូលទៅកន្លែងការដ្ឋានសំណង់មួយកន្លែង ហើយបានទាញជើងស្ត្រីម្នាក់កំពុងដេក ធ្វើឲ្យផ្អើលឆោឡោ ស្រាប់តែជនសង្ស័យយកដំបងទីបវាយត្រូវបុរសម្នាក់ រួចយកចំពាមកៅស៊ូបាញ់គេថែម ត្រូវបានអ្នកនៅក្នុងការដ្ឋានដេញតាមចាប់បានប្រគល់អោយសមត្ថកិច្ចឆែកឆេររកឃើញម្សៅក្រាមសថ្លា៣កញ្ចប់តូចបន្ថែមទៀត ។
ហេតុការណ៍ខាងលើនេះ បានកើតឡើងនៅវេលាម៉ោង១និង៣០នាទីរំលងអាធ្រាត្រឈានចូលថ្ងៃទី២៨ខែវិច្ឆិកាឆ្នាំ២០២៥ នៅចំនុចការដ្ឋានមួយកន្លែងម្តុំផ្លូវ៣៧១ សង្កាត់ដង្កោ ខណ្ឌដង្កោ ឃាត់ខ្លួនបាននៅចំនុចស្តុបស្ពានដែកចំការដូង សង្កាត់ស្ទឹងមានជ័យទី២ ខណ្ឌមានជ័យ ។
ជនសង្ស័យឈ្មោះ ណុន ចាន់រស្មី ភេទប្រុស អាយុ៣២ឆ្នាំ មុខរបរមិនពិតប្រាកដ មានស្រុកកំណើត ភូមិព្រែកប្រសព្វកណ្តាល ឃុំព្រែកប្រសព្វ ស្រុកព្រែកប្រសព្វ ខេត្តក្រចេះ ។
ប្រភពព័ត៌មានបានអោយដឹងថា មុនពេលកើតហេតុ បុរសជាជនសង្ស័យខាងលើ មិនដឹងថាមកពីទៅណានោះទេ បានដើរចូលទៅក្នុងការដ្ឋានសំណង់មួយកន្លែងខាងលើ ហើយក៏មិនដឹងមានបំណងអ្វីទេ ស្រាប់តែទៅចាប់ទាញជើងស្ត្រីម្នាក់កំពុងតែដេកក្នុងការដ្ឋាននោះ ធ្វើអោយមានការភ្ញាក់ផ្អើលឆោឡោអ្នកស្នាក់នៅទីនោះ ។
តាមប្រភពព័ត៌មានបានបន្តថា ពេលនោះបុរសជាជនសង្ស័យបានទាញដំបងទីបវាយត្រូវបុរសម្នាក់ជាកម្មករនៅទីនោះរងរបួសដៃតិចតួច ហើយជនសង្ស័យបានរត់ចេញទៅក្រៅ បានយកចំពាមកៅស៊ូ ចូលទៅបាញ់ក្នុងការដ្ឋានថែមទៀតត្រូវមនុស្សម្នាក់ទៀតតែរបួសស្រាល រួចបន្តរត់ទៅចំនុចស្តុបស្ពានដែកចំការដូង ត្រូវបានអ្នកនៅក្នុងការដ្ឋាននាំគ្នាដេញតាមចាប់បានប្រគល់អោយសមត្ថកិច្ចតែម្ដង។
ពេលសមត្ថកិច្ចនោះឆែក រកឃើញចំពាមកៅស៊ូ១ និងថ្នាំក្រាមសថ្លា ចំនួន៣កញ្ចប់សង្ស័យជាសារធាតុញៀនថែមទៀតផង ។ ភ្លាមៗជនសង្ស័យនៅពេលសមត្ថកិច្ចសួរនាំ តែធ្វើដូចជាមនុស្សវង្វេងវង្វាន់ទៅវិញ ។
ក្រោយកើតហេតុ សង្ស័យខាងលើត្រូវបានកម្លាំងប៉ុស្តិ៍នគរបាលរដ្ឋបាលដង្កោ រួមទាំងវត្ថុតាំងយកទៅសួរនាំនៅប៉ុស្តិ៍នគរបាលរដ្ឋបាលដង្កោ ដើម្បីចាត់ការតាមនីតិវិធី ៕
ចែករំលែកព័តមាននេះ